بانی پی ٹی آئی کی 6اور بشریٰ بی بی کی ایک کیس میں ضمانت قبل ازگرفتاری میں توسیع
اسلام آباد (سٹاف رپورٹر)ڈسٹرکٹ اینڈ سیشن جج اسلام آباد نے 9 مئی اور دیگر مقدمات میں بانی پی ٹی آئی عمران خان اور بشریٰ بی بی کو 28 اکتوبر تک گرفتاری کرنے سے روک دیا ہے۔
ایڈیشنل ڈسٹرکٹ اینڈ سیشن جج محمد افضل مجوکا نے کیس پر سماعت کی، بانی پی ٹی آئی کی 6 اور بشریٰ بی بی کی 1 ضمانت قبل از گرفتاری کی درخواستیں منظورِ کر لیں۔
عدالت نے 28 اکتوبر تک متعلقہ مقدمات میں بانی پی ٹی آئی اور بشریٰ بی بی کی گرفتاری سے روک دیا۔ عدالت نے اگلی سماعت میں بانی پی ٹی آئی کو عدالت میں یا بذریعہ ویڈیو لنک پیش کرنے کی ہدایت بھی کر دی۔جج افضل مجوکا نے ریمارکس دیے کہ اڈیالہ جیل حکام کو شوکاز ے بھی جاری کر رہا ہوں۔ عدالت نے ضمانت کی درخواستوں پر سماعت 28 اکتوبر تک ملتوی کر دی۔
