سعودی بادشاہ کا فلسطینیوں کیلئے وہ اعلان جس نے عالم اسلام کے دل جیت لیے

سعودی بادشاہ کا فلسطینیوں کیلئے وہ اعلان جس نے عالم اسلام کے دل جیت لیے
سعودی بادشاہ کا فلسطینیوں کیلئے وہ اعلان جس نے عالم اسلام کے دل جیت لیے

  


ریاض (مانیٹرنگ ڈیسک) سعودی فرمانروا شاہ سلمان بن عبدالعزیز نے ایک ہزار فلسطینی مسلمانوں کے لیے حج کے انتظامات کا حکم دیدیا ، اس کا تمام خرچہ سرکاری طورپر برداشت کیا جائے گا۔

عرب میڈیا کے مطابق سعودی عرب کے وزیر برائے مذہبی امور ودعوت وارشال الشیخ صالح بن عبدالعزیز آل الشیخ نے اپنے ایک بیان میں بتایا کہ شاہ سلمان کی خصوصی ہدایت پر اس بار ایک ہزار فلسطینیوں کے حج کا سرکاری سطح پر انتظام کیا جا رہا ہے، فلسطینی قوم سعودی مملکت، عوام اور حکومت کی طرف سے ہر طرح کی خدمت کی مستحق ہے۔

العربیہ کے مطابق شاہ سلمان کے حکم سے ان کی عالم اسلام کے ہمدردی اور غم گساری کے جذبے کا اظہار ہوتا ہے۔ انہوں نے کہا کہ حج اور عمرہ پروگرام کے تحت فلسطینی شہریوں کے خصوصی حج کے کوٹے کو برقرار رکھا گیا ہے اور ایک ہزار فلسطینیوں کے حج کی میزبانی کا سرکاری سطح پر اہتمام کیا جا رہا ہے۔الشیخ صالح آل الشیخ کا کہنا تھا کہ شاہ سلمان کی جانب سے ایک ہزار فلسطینیوں کے حج کی میزبانی کا حکم اس بات کی عکاسی کرتا ہے کہ خادم الحرمین الشریفین کے دل میں مظلوم فلسطینی قوم کا کس قدر احترام اور محبت ہے۔

مزید : بین الاقوامی


loading...