پنجاب انفارمیشن ٹیکنالوجی بورڈ اور آئی ٹی یونیورسٹی کے زیراہتمام یوم دفاع اور یکجہتی کشمیر کی تقریب

پنجاب انفارمیشن ٹیکنالوجی بورڈ اور آئی ٹی یونیورسٹی کے زیراہتمام یوم دفاع ...
پنجاب انفارمیشن ٹیکنالوجی بورڈ اور آئی ٹی یونیورسٹی کے زیراہتمام یوم دفاع اور یکجہتی کشمیر کی تقریب

  


لاہور (ڈیلی پاکستان آن لائن)پنجاب انفارمیشن ٹیکنالوجی بورڈ اور انفارمیشن ٹیکنالوجی یونیورسٹی کے زیراہتمام پاک فوج کے شہیدوں اور غازیوں کو خراج تحسین پیش کرنے کیلئے یوم دفاع کی پروقار تقریب کا انعقاد کیا گیا ۔

تقریب میں ہزاروں کی تعداد میں آئی ٹی بورڈ کے افسران و ملازمین اور آئی ٹی یونیورسٹی کے اساتذہ و طلبہ شریک ہوئے۔ تقریب میں بھارت کو 65اور71کی جنگوں میں ناکوں چنے چبوانے والے دلیر ہواباز سیسل چوہدری کے بیٹے سیسل ایس چوہدری نے اپنے والد کے کارناموں پر روشنی ڈالی۔ تقریب میں قومی و ملی نغمے اور جنگی بھی ترانے پیش کئے گئے۔ اس موقع پر مظلوم کشمیریوں سے اظہار یکجہتی کیلئے ارفع سافٹ ویئر پارک کے باہر فیروز پور روڑ پر پیس واک کا بھی اہتمام کیا گیا جس میں چیئرمین پی آئی ٹی بی اظفر منظور‘ ڈائریکٹر فیصل یوسف‘ ساجد لطیف‘ رجسٹرار آئی ٹی یو ظہیر سرور اور آئی ٹی یونیورسٹی کے طلبہ سمیت ہزاروں افراد شریک ہوئے۔

شرکاء نے ہاتھوں میں پاک فوج کے ہیروز کی تصاویر‘ پلے کارڈز اور بینرز اٹھا رکھے تھے۔چیئرمین اظفر منظور نے کہا کہ پوری قوم بہادر افواج کیساتھ ہے اور کشمیری بھائیوں کے لئے بھی آواز اٹھاتی رہے گی۔شرکا نے پاک فوج زندہ باد‘ کشمیر بنے گا پاکستان کے نعرے بھی لگائے۔ اس موقع پر ملک وقوم کی سلامتی‘خوشحالی اور کشمیری عوام کی آزادی کیلئے خصوصی دعائیں مانگی گئیں۔

مزید : علاقائی /پنجاب /لاہور


loading...