دیوانگی سے دوش پہ زُنار بھی نہیں
دیوانگی سے دوش پہ زُنار بھی نہیں
یعنی ہمارے جیب میں اک تار بھی نہیں
دل کو نیازِ حسرتِ دیدار کر چکے
دیکھا تو ہم میں طاقتِ دیدار بھی نہیں
ملنا ترا اگر نہیں آساں تو سہل ہے
دشوار تو یہی ہے کہ دشوار بھی نہیں
بے عشق عمر کٹ نہیں سکتی ہے اور یاں
طاقت بہ قدرِ لذّتِ آزار بھی نہیں
شوریدگی کے ہاتھ سے سر ہے وبالِ دوش
صحرا میں اے خدا کوئی دیوار بھی نہیں
گنجائشِ عداوتِ اغیار اک طرف
یاں دل میں ضعف سے ہوسِ یار بھی نہیں
ڈر نالہ ہائے زار سے میرے، خُدا کو مان
آخر نوائے مرغِ گرفتار بھی نہیں
دل میں ہے یار کی صفِ مژگاں سے روکشی
حالانکہ طاقتِ خلشِ خار بھی نہیں
اس سادگی پہ کون نہ مر جائے اے خُدا!
لڑتے ہیں اور ہاتھ میں تلوار بھی نہیں
دیکھا اسدؔ کو خلوت و جلوت میں بارہا
دیوانہ گر نہیں ہے تو ہشیار بھی نہیں
شاعر: مرزا غالب
Dewaangi Say, Dosh Pe Zunnaar Bhi Nahen
Yaani Hammri Jaib Men Ik Taar Bhi Nahen
Dil Ko Nayaaz e Hasrat e Dedaar Kar Chukay
Dekha To Ham Men Taaqat e Dedaar Bhi Nahen
Milna Tira Agar Nahen Aasaan To Sahall Hay
Dushwaar To Yahi Hay Keh Dushwaar Bhi Nahen
Be Eshq Umr Katt Nahen Sakti Hay Aor Yaan
Taaqat Ba Qadr e Lazzat e Azaar Bhi Nahen
Shoreedagi K Haath Say Hay Sar o Baal e Dosh
Sehra Men Ay Khuda Koi Dewaar Bhi Nahen
Gunjaaesh e Adaawat e Aghyaar Ik Taraf
Yaan, Dil Men Zoaf Say Hawas e Yaar Bhi Nahen
Dar Naala Haa e Zaar Say Meray Khuda Ko Maan
Aakhir Nawaa e Murgh e Gariftaar Bhi Nahen
Dil Men Hay Yaar Ki Saf ne Mizzgaan Say Rukashi
Haalaan KEh Taaqat e Khalish e Khaa rBhi Nahen
Iss Saadgi Pe Kon Na Mar Jaaey , Ay KHUDA
Larrtay Hen Aor Haath Men Talwaar Bhi Nahen
Dekha ASAD Ko Khalwat o Jalwat Men Baarha
Dewaana Gar Nahen Hay To Hushyaar Bhi Nahen
Poet: Mirza Ghalib