ثنا بچہ ایک مرتبہ پھر ٹی وی سکرین پر مگر اب کی بار کس چینل پر پروگرام کرنے جارہی ہیں؟ اعلان کردیا

ثنا بچہ ایک مرتبہ پھر ٹی وی سکرین پر مگر اب کی بار کس چینل پر پروگرام کرنے ...
ثنا بچہ ایک مرتبہ پھر ٹی وی سکرین پر مگر اب کی بار کس چینل پر پروگرام کرنے جارہی ہیں؟ اعلان کردیا

  

اسلام آباد (ڈیلی پاکستان آن لائن) سینئر صحافی روئوف کلاسرا کے بعد صحافی ، فلمساز اور اینکر ثناء بچہ کو بھی پروگرام مل گیا اور وہ ایک مرتبہ پھر ٹی وی سکرین پر دکھائی دیں گی، وہ اب کی بار آج نیو ز کی سکرین پر کرنٹ افیئر پروگرام کریں گی جس کا اعلان خود انہوں نے کیا۔

سوشل میڈیا پر ثنا بچہ نے لکھا کہ "جلد آرہی ہوں، ٹیون رہیں اور ساتھ ہی آج اردو اور دس کا ٹیگ کیا۔

ثنا بچہ نے پروگرام کا پوسٹر بھی شیئرکیا جس پر لکھا ہے کہ جواب بے شمار مگر سوالات 10 اور پروگرام کا نام بھی 10 ہی ہے جس سے شبہ ہوتا ہے کہ یہ پروگرام رات 10 ہی آن ایئر بھی ہوگا۔

ان کی اس ٹوئیٹ پر صحافی اسد علی طور نے خوش آمدید کہتے ہوئے لکھا کہ " باس، اپنے شو کیساتھ واپسی پر خوش آمدید"۔

صحافی اجمل جامی نے بھی خوشی کا اظہار کرتےہوئے لکھا کہ ثںا دوبارہ آپ کو اپنے شوپر دیکھنا اچھا ہے ،  نیک خواہشات"۔

یادرہے کہ صحافی و تجزیہ کار رؤف کلاسرا اور عامر متین کو ایک سال کے عرصے کے بعد ٹی وی پروگرام مل چکا ہے۔ وہ پبلک نیوز کی سکرین پر نظر آئیں گے۔ ان کا نیا پروگرام پیر سے جمعرات تک رات 10 بجے نشر کیا جائے گا۔

خیال رہے کہ گزشتہ سال ستمبر میں رؤف کلاسرا اور عامر متین کا آپ نیوز پر چلنے والا پروگرام اچانک بند کردیا گیا تھا۔ اس کے بارے میں رؤف کلاسرا کا الزام ہے کہ 417 ارب روپے کا جی آئی ڈی سی سکینڈل بریک کرنے پر تحریک انصاف حکومت نے ان کا پروگرام بند کرایا تھا۔ ٹی وی پروگرام بند ہونے کے بعد رؤف کلاسرا یوٹیوب چینل چلا رہے تھے۔

مزید :

قومی -تفریح -