پنجاب گیمز،صوبہ کے کھلاڑیوں کیلئے نعمت ثابت ہوئے
پنجاب گیمز کا انعقاد صوبہ میں کھیلوں کے فروغ کے لئے بہت اہم ثابت ہوگا جس طرح سے اس ایونٹ میں کھلاڑیوں کی ایک بہت بڑی تعداد نے شرکت کی اور اپنی اپنی صلاحیتوں کا لوہامنوایا اس بات کا ثبوت ہے کہ صوبہ پنجاب میں کھیلوں کا بے پناہ ٹیلنٹ موجود ہے جسے بس پلیٹ فارم کی ضرورت ہے انتظامیہ نے گیمز کا انعقاد کرکے صوبہ بھر کے ایسے شہروں اور دیہاتوں کے کھلاڑیوں کو بھی آگے بڑھنے کا موقع دیا جو ایک عرصہ سے موقع کی تلاش میں تھے اور اب جب ان کوموقع ملا انہوں نے جس خوشی کا اظہار کیا اور ان گیمز میں حصہ لیا وہ سب کے سامنے ہے آٹھ سال کے بعد منعقد ہ ان گیمز میں شریک ہر کھلاڑی ہی خوش نظر آرہا تھا کیونکہ اس کو یقین ہوگیا کہ اب اسی طرح سے مستقبل میں بھی اس کو ایسے مواقع میسر آتے رہیں گے جن کے ذریعہ وہ اپنی کارکردگی کامظاہر ہ کرتے ہوئے آگے بڑھ سکے گا ان گیمز میں صوبہ پنجاب کے سب سے بڑے شہر لاہور نے میدان مار لیا اور ہر کھیل میں ہی لاہور سے تعلق رکھنے والے کھلاڑیوں نے عمدہ پرفارمنس کا مظاہرہ کیا او رشائقین کے دل جیت لئے جبکہ گوجرانوالہ اور فیصل آباد سے تعلق رکھنے والے کھلاڑی بھی پیچھے نہ رہے اور عمدہ پرفارمنس سے پوزیشینیں حاصل کیں یقینیا ان کھلاڑیوں کے لئے یہ کامیابی بہت معنی رکھتی ہوں گی اور ان کے آگے بڑھنے میں ان کی بھرپور مدد بھی کرے گی مگر اس کے ساتھ ساتھ سب سے خوش آئند بات یہ ہے کہ ایک طویل عرصہ کے بعد ان گیمز کا انعقاد کیاگیا اور کھیلوں کو فروغ حاصل ہوا دور دراز سے تعلق رکھنے والے کھلاڑیوں نے اس میں شرکت کی اور سب سے بڑھ کر اس ایونٹ میں رسہ کشی کے مقابلوں میں خواجہ سراؤں کو بھی موقع دیا گیا جنہوں نے بہت عمدہ پرفارمنس کامظاہرہ کیا یہ بہت اچھی بات ہے کہ ان کو ان گیمز کاحصہ بنایا گیا اور بلاشبہ ان میں بھی بہت ٹیلنٹ چھپا ہوا ہے پنجاب گیمز کا ہرسال اسی طرح سے انعقاد ہونا چاہئیے اور ضرورت اس بات کی ہے کہ اس میں وقت گزرنے کے ساتھ ساتھ مزید بہتری بھی لائی جائے اس مرتبہ کھلاڑیوں کو انتظامات کے حوالے سے کچھ شکایات ضرور تھیں مگر مجموعی طور پر اگر بات کی جائے تو یہ ایک شاندار اور یادگار کھیل ثابت ہوئے اور اس میں شریک ہر کھلاڑی بھی اس کی یادوں کو ایک عرصہ تک دل سے نکال نہیں پائے گا جبکہ اس کے ساتھ ساتھ یہ حقیقت ہے کہ نوجوان کھلاڑیوں کو منظر عام پر لانے کا بھرپور موقع فراہم کیا گیا سرکاری سطح پر کھیلوں کے مقابلوں کاانعقاد کھلاڑیوں کے لئے بہت حوصلہ افزاء ہوتا ہے اور ان کی حوصلہ افزائی سے ان میں آگے بڑھنے کا مزید حوصلہ پیدا ہوتا ہے پنجاب گیمز کا انعقاد یقیناًکامیابی سے ہمکنار ہوا اور لاہور کے شہریوں نے تو عمدہ پرفارمنس سے سب سے زیادہ میڈلز اپنے نام کئے ہی مگر ہر شہر کی ٹیم کے کھلاڑیوں کے لئے بھی ان گیمز کے انعقاد سے فائدہ کا تعلق رہا امید ہے کہ یہ کھیل اب باقاعدگی کے ساتھ ہر سال ہی منعقد کئے جائیں گے اور اسی طرح سے کھلاڑی اس میں بھرپور جوش و خروش کے ساتھ میدان میں اتریں گے ان کھیلوں کا ایک مقصد صوبہ بھر میں کھیلوں کو فروغ دینا بھی ہے کیونکہ گیمز میں کئی ایسے کھیلوں کے مقابلوں کا بھی انعقاد کیا گیا جو سرکاری سطح پر بہت کم ہورہے تھے۔
