غیرقانونی بھرتی کیس ،اکرم درانی کی درخواست ضمانت فوری نمٹانے کی نیب کی استدعا مسترد

غیرقانونی بھرتی کیس ،اکرم درانی کی درخواست ضمانت فوری نمٹانے کی نیب کی ...
غیرقانونی بھرتی کیس ،اکرم درانی کی درخواست ضمانت فوری نمٹانے کی نیب کی استدعا مسترد

  

اسلام آباد(ڈیلی پاکستان آن لائن)اسلام آبادہائیکورٹ نے غیرقانونی بھرتی کیس میں اکرم درانی کی درخواست ضمانت فوری نمٹانے کی نیب کی استدعا مستردکرتے ہوئے نئے انکوائری افسر سے رپورٹ طلب کرلی۔

تفصیلات کے مطابق اسلام آبادہائیکورٹ میں غیرقانونی بھرتی کیس میں اکرم درانی کی عبوری ضمانت سے متعلق درخواست پر سماعت ہوئی،چیف جسٹس اطہر من اللہ نے جہانزیب بھروانہ سے استفسارکیا کہ وارنٹ گرفتاری کیوں واپس لیے گئے؟جہانزیب بھروانہ نے کہاکہ نیب انکوائری افسر تبدیل کرکے سینئر افسر کو انکوائری سونپی گئی ہے،نیب نے استدعا کی وارنٹ گرفتاری واپس لینے کے بعد عدالت ضمانت کی درخواست نمٹا دے۔

چیف جسٹس ہائیکورٹ نے کہاکہ آپ نے غیر ضروری طور پر عدالت کو اس معاملے میں ملوث کرنے کی کوشش کی،ہم اس معاملے کی طے تک جائیں گے اور معاملہ زیر التوا رکھیں گے،چیف جسٹس اطہر من اللہ نے ہدایت کی کہ اب نئے افسر کو کام کرکے رپورٹ جمع کرانے دیں،اگر ہم سے بھی کوئی غلطی ہوئی ہے تو بتائیں ہم احتساب سے نہیں گھبراتے۔

اسلام آباد ہائی کورٹ نے اکرم درانی کی درخواست ضمانت فوری نمٹانے کی استدعا مستردکرتے ہوئے عبوری ضمانت میں 12مئی تک توسیع کردی اور نئے انکوائری افسر سے رپورٹ طلب کرلی۔

مزید :

قومی -علاقائی -اسلام آباد -