بلاجوازپروٹوکول کا مطالبہ،امریکی  ڈاکٹر نے میرا کو پاگل قراردیدیا 

  بلاجوازپروٹوکول کا مطالبہ،امریکی  ڈاکٹر نے میرا کو پاگل قراردیدیا 

  

  واشنگٹن (مانیٹرنگ ڈیسک) اداکارہ میرا امریکا جا کر مشکل میں پھنس گئیں، امریکی ڈاکٹر کیساتھ بدتمیزی اور پروٹوکول مانگنے پر انہیں پاگل قرار دیدیا گیا۔ذرائع کے مطابق اداکارہ میرا کورونا ویکسی نیشن کے بعد بخار محسوس کر رہی تھیں، وہ دوبارہ روٹین چیک اپ کرانے کیلئے ڈا کٹر کے پاس گئیں تو وہاں اوٹ پٹانگ باتیں شروع کر دیں۔اداکارہ میرا نے ڈاکٹر کو کہا مجھے پاکستانی وزیراعظم تک پروٹوکول دیتا ہے حتیٰ کہ انہیں سینیٹ کی نشست کیلئے تحریک انصاف کی جانب سے پیشکش تک کی جا چکی ہے، کیا آپ جانتے نہیں میں کون ہوں، میرا وی آئی پی طور پر چیک اپ کیا جائے۔پاکستانی اداکارہ کی بدتمیزی بڑھی تو ڈاکٹر نے ان پر واضح کیا کہ آپ شوبز سٹار ہونگی، مگر میں اصول کے مطابق ہی مریضوں کو ڈیل کرتا ہوں، تاہم اداکارہ کی جانب سے اوٹ پٹانگ باتیں جاری رہیں تو ڈاکٹر نے ذہنی امراض کے سینٹر فون کرکے عملے کو طلب کر لیا۔خبریں ہیں کہ اداکارہ میرا کو ڈاکٹرز نے پاگل قرار دیدیا ہے، وہ گزشتہ دو روز سے میڈیکل سینٹر میں ہی موجود ہیں۔ اب اس صورتحال میں ان کے سسر اور شوہر کیپٹن نوید ہی اپنی گارنٹی پر انہیں واپس لا سکتے ہیں۔دوسری جانب نجی ٹی وی سے گفتگومیں اداکارہ میرا کی والدہ نے حکومت سے مطالبہ کیا ہے کہ ان کی بیٹی کو وطن واپس لایا جائے۔ادھر ذرائع کا کہنا ہے تمام صورتحال کو دیکھتے ہوئے اداکارہ میرا نے اپنی غلطی تسلیم کر لی ہے۔

میرا 

مزید :

صفحہ اول -