کراچی: لیڈی ہیلتھ ورکرز کا اہم شاہراہ پر دھرنا، ٹریفک رک گیا

کراچی (ویب ڈیسک) لیڈی ہیلتھ ورکرز نے کراچی میں پی آئی ڈی سی سگنل کے قریب مطالبات کی منظوری کے لیے دھرنا دے دیا۔

لیڈی ہیلتھ ورکرز کی جانب سے حکومت سے مطالبہ کیا گیا ہے کہ لیڈی ہیلتھ ورکرز پروگرام کے بنیادی ڈھانچے کو بحال کیا جائے۔لیڈی ہیلتھ ورکرز پروگرام پاکستان کی صدر بشریٰ آرائیں کا اس ضمن میں کہنا ہے کہ لیڈی ہیلتھ ورکرز کے پروگرام کا نام تبدیل کر دیا گیا ہے۔صدر لیڈی ہیلتھ ورکرز پروگرام پاکستان کا یہ بھی کہنا ہے کہ لیڈی ہیلتھ ورکرز صوبائی سطح پر رہنا چاہتی ہیں، ضلعی سطح پر نہیں جانا چاہتیں۔