’’سیو دی چلڈرن‘‘ سمیت 23غیر ملکی این جی اوز کی رجسٹریشن منسوخ

’’سیو دی چلڈرن‘‘ سمیت 23غیر ملکی این جی اوز کی رجسٹریشن منسوخ

اسلام آباد (خصوصی رپورٹ)سکیورٹیز ایکسچینج کمیشن آف پاکستان نے سیو دی چلڈرن سمیت قانونی تقاضے پورے نہ کرنے والی تئیس غیر ملکی این جی اوز کی رجسٹریشن منسوخ کر دی۔ غیر ملکی این جی اوزکیخلاف کارروائی نیشنل ایکشن پلان پر عملدرآمد کے سلسلے میں اکاؤنٹس اور جانچ پڑتال کے دوران کی گئی۔ ایس ای سی پی کے مطابق یہ این جی اوز متعدد نوٹسز کے باوجود اپنے آڈٹ شدہ اکاؤنٹس جمع کرانے میں ناکام رہیں۔ کارروائی کی زد میں آنیوالی این جی اوز میں سیو دی چلڈرن الحیا ٹرسٹ، وار چائلڈ، دی برٹش کونسل، امریکن انسٹی ٹیوٹ فار ریسرچ ان بی ہیوریل سائنسز، گلوبل پارٹنر، گلوبل ریلیف فاؤنڈیشن، گول اور اور سیز ڈویلپمنٹ کارپوریشن شامل ہیں۔ ملک میں مجموعی طور پر تینتیس غیر ملکی این جی اوز ایس ای سی پی کے ساتھ رجسٹرڈ ہیں جن کی مانیٹرنگ کیلئے جامع پالیسی وضع کرنے کیلئے اعلیٰ سطح کی کمیٹی بھی تشکیل دی جا چکی ہے۔

مزید : صفحہ اول