کراچی ،فائرنگ اور مختلف واقات میں 4افراد جاں بحق،ایک زخمی

کراچی ،فائرنگ اور مختلف واقات میں 4افراد جاں بحق،ایک زخمی

  



کراچی (کرائم رپورٹر) کراچی میں فائرنگ اور مختلف واقات میں 4افراد جاں بحق اور ایک زخمی ہوگیا ۔تفصیلات کے مطابق نیو کراچی کے علاقے بارہ دری میں مسلح ملزمان کی فائرنگ سے نوجوان زخمی ہوگیا جسے طبی امدا د کے لیے عباسی شہید اسپتال منتقل کیا گیا جہاں وہ زخموں کی تاب نہ لاتے ہوئے چل بسا ۔تاحال مقتول کی شناخت نہیں ہوسکی ہے ۔ہاکس بے مبارک ویلیج کے قریب سمندر سے ایدھی ریسکیو کے اہلکاروں نے نوجوان کی ڈوبی ہوئی لاش نکال کر ورثا کے حوالے کردی ۔ادھر شاہ لطیف کے علاقے چمن پلازہ کے قریب فائرنگ سے محمد امین ولد محمد عمر نامی نوجوان زخمی ہوگیا ۔پولیس کے مطابق واقعہ نامعلوم سمت سے آکر گولی لگنے کے باعث پیش آیا ۔زخمی نوجوان کو طبی امداد کے لیے اسپتال منتقل کردیا ہے ۔دوسری جانب سپر ہائی وے ناردرن بائی عباس کٹ کے قریب ٹریفک حادثے میں 2افراد جاں بحق ہوگئے ہیں ۔لاشوں کو ضابطے کی کارروائی کے لیے عباسی شہید اسپتال منتقل کردیا گیا ہے ۔

مزید : راولپنڈی صفحہ آخر