آئی سی سی نے T10 لیگ کے دوسرے ایڈیشن کی منظوری دیدی

 شارجہ (سپورٹس رپورٹر) کرکٹ کی عالمی تنظیم آئی سی سی نے ٹی 10 لیگ کے دوسرے ایڈیشن کی باضابطہ طور پر منظوری دیدی لیگ کا دوسرا ایڈیشن 23 نومبر 2018 کو شارجہ کے کرکٹ گراؤنڈ میں کھیلا جائے گا اس بار 2 نئی ٹیموں کا اضافہ کیا گیا ہے جس سے اس مرتبہ کرکٹ لیگ کا دورانیہ 10 دن ہوجائے گا ٹی 10 لیگ کرکٹ میں ایک انقلابی قدم تصور کی جارہی ہے جس سے ایک روزہ کرکٹ 50 اوور سے سکڑ کر 10 اوور تک آگئی ہے جس سے شائقین میں کرکٹ کی دلچسپی میں بے حد اضافہ ہوا ہے۔ آئی سی سی نے گزشتہ برس ٹی 10 فارمیٹ کی منظوری دی تھی جس کے بعد شارجہ میں اس طرز کی پہلی لیگ ہوئی جسے آئن مورگن کی قیادت میں کیرالہ کنگ نے جیتا تھا لیگ کے دوسرے ایڈیشن کو منظوری ملنے پر ٹی 10 لیگ کے چیئرمین شجیع الملک اظہارخیال کرتے ہوئے کہا ہے کہ اس سے ہمارے شراکت داروں ، اسٹک ہولڈرز اور خاص طور پر کھلاڑیوں کو بہت تقویت ملے گی اس کے علاوہ یہ اس بات کا بھی اظہار ہے کہ ہمیں ایک سال قبل جوذمہ داری دی گئی تھی اس پر ہم پورا اترے ہیں اور ہم نے اسے عالمی طور پر ایک تسلیم شدہ فارمیٹ بنادیا ہے امارات کرکٹ بورڈ کے رکن اور ترجمان زید عباس کا کہنا ہے کہ ہم نے اپنا وڑن شیئر کیا تھا اور ہمیں منتظمین پر اعتماد تھا کہ وہ اس وڑن کو اچھے طریقے سے آگے بڑھائیں گے۔ ٹی 10 لیگ کے صدر سلمان اقبال کا کہنا ہے کہ اس منظوری سے اس فارمیٹ کی عالمی سطح پر مقبولیت میں مزید اضافہ ہوگا اور گزشتہ ایک سال میں 2 نئی ٹیموں کا اضافہ ہونا اس بات کا ثبوت ہے ٹیموں کی تعداد میں اضافے سے نہ صرف لیگ کا دورانیہ 4 دن سے بڑھ کر 10 ہوجائے گا بلکہ اس سے مزید کھلاڑیوں کو لیگ کا حصہ بننے کا موقع ملے گا ٹی 10 کرکٹ لیگ کا دوسرا ایڈیشن 23 نومبر 2018 سے شارجہ کے کرکٹ گراؤنڈ میں کھیلا جائے گا 10 روز جاری رہنے والی اس ٹورنامنٹ میں 8 ٹیمیں شرکت کررہی ہیں جس میں مراٹھا عربین کی قیادت افغانستان کے اسپنر راشد خان کریں گے جبکہ پختونز کے کپتان پاکستان کے شاہد آفریدی، پنجابی لیجنڈ کے کپتان شعیب ملک، کیرالہ کنگز کے کپتان انگلینڈ کے این مورگن، راجپوتز کے کپتان نیوزی لینڈ کے براینڈن میلکم، بنگال ٹائیگرز کے کپتان ویسٹ انڈیز کے سنیل نرائن، نادرن واریئرز کے کپتان ڈیرن سیمی اور کراچیئین کے کپتان آسٹریلیا کے شین واٹسن ہوں گے ٹیموں کے ڈرافٹنگ ستمبر میں ہوگی۔