جدہ ،پہلے ایس سی سی انٹراسٹی کرکٹ سیریز ٹورنامنٹ کا آغاز
جدہ ( یواین پی ) سعودی عرب کرکٹ کا کھیل مقبول ہو رہا ہے عسیر صوبے میں بھی اب کرکٹ نہ صرف کھیلی جا رہی ہے بلکہ بڑے بڑے ٹورنامنٹ کا انعقاد بھی ہو رہا ہے اس حوالے سے عیسر کرکٹ لیگ کی جانب سے پہلا ایس سی سی انٹرا سٹی سیریز ٹورنامنٹ کا آغاز ہوا جس میں کھلاڑیوں شائقین کرکٹ کے علاوہ سعودی کرکٹ سنٹر کے عہدیداروں نے بھرپور شرکت کی ٹورنامنٹ کا افتتاحی میچ عیسر کرکٹ لیگ اور نجران کرکٹ ایسوسی ایشن کے مابین کھیلا گیا جس میں پہلے بیٹنگ کرتے ہوئے عسیر کرکٹ لیگ کے بیٹسمنوں نے مقررہ بیس اووروں میں 223 رنز بنائے جبکہ نجران کرکٹ ایسوسی ایشن صرف چودہ اوور کھیل سکی اور اس کی پوری ٹیم 108 سکور پر آوٹ ہوگئی۔عیسر کرکٹ لیگ کی جانب کپتان فراست آفریدی نے ذمیدارانہ بیٹنگ کرتے ہوئے سات چھکوں اور چار چوکوں کی مدد سے بائیس بالوں پر 66 رن سکور کیا جبکہ ابرار مشتاق اکیس بالوں پر 44 رن بنا کر نمایاں رہے بعد ازاں نجران الیون کی جانب سے محمد عادل بائیس اور عبدالوہاب انیس رن بنا کر نمایاں رہے میچ کے اختتام پر عیسر کرکٹ لیگ کے کپتان فراست آفریدی کو مین آف دا میچ قرار دیا گیا افتتاحی میچ کے بعد تقریب بھی منعقد ہوئی جس میں سعودی کرکٹ سنٹر کے سی او ندیم ندوی کا کہنا تھا کہ سعودی عرب میں کرکٹ کا کھیل خوب فروغ پا رہا ہے۔
اور سعودی گورنمنٹ بھی اس کھیل کی بہتری اور فروغ کے لئے عملی اقدامات کر رہی ہے عیسر کرکٹ لیگ کی کارگردگی قابل تحسین ہے جس جذبے محنت لگن اور محبت سے کرکٹ کے فروغ کے لیے سرگرم ہے ایسی مثل کہی نہیں دیکھی عسیر کرکٹ لیگ کے چیرمین محمد افضل بٹ کا کہنا تھا کہ سعودی عرب کا کوئی ایسا شہر نہیں جہاں کرکٹ نا کھیلی جا رہی ہو پاکستانی کھلاڑیوں نے اپنی صلاحیتوں کے بل بوتے پر سعودیہ کی نیشنل ٹیم میں بھی جگہ بنائی ہے جس سے پاکستانیوں کا سر فخر سے بلند ہواعیسر کرکٹ لیگ کے سی ای او محمد ریاض چویدری نے آنے والے تمام مہمانان گرامی اور میڈیا کا شکریہ ادا کیا ۔
