فلم ”پرے ہٹ لو“میں سمجھدارلڑکی کاکرداراداکررہی ہوں‘ مایاعلی

  فلم ”پرے ہٹ لو“میں سمجھدارلڑکی کاکرداراداکررہی ہوں‘ مایاعلی
  فلم ”پرے ہٹ لو“میں سمجھدارلڑکی کاکرداراداکررہی ہوں‘ مایاعلی

  


لاہور (فلم رپورٹر) فلم اور ٹی وی کی معروف اداکارہ مایا علی نے اپنی آنے والی فلم ”پرے ہٹ لو“ میں ایک مضبوط لڑکی کا کردار ادا کررہی ہیں۔انہوں نے بتایا کہ میں فلم پرے ہٹ لو میں ثانیہ نامی ایک بردبار اور مضبوط لڑکی کا کردار ادا کر رہی ہوں جو کہ ایک اعلی سوچ اور اپنا فیصلہ خود کرنے والی لڑکی ہوتی ہے، وہ یہ بھی جانتی ہے کہ کیا اچھا ہے کیا برا اور سب سے اہم بات یہ ہے کہ ثانیہ اپنے خاندان کی اہمیت بھی سمجھتی ہے۔ مایا علی نے یہ بھی کہا کہ ہر کردار کا میری زندگی پر بہت گہرا اثر ہوتا ہے اور میں ذاتی طور پر یہ محسوس بھی کرتی ہوں کہ فلم پرے ہٹ لو میں ثانیہ کا جو کردار میں ادا کر رہی ہوں وہ بہت مضبوط کردار ہے اور اس کردار کا میری ذات سے موازنہ کیا جاسکتا ہے۔

مایا علی نے کہا کہ فلم میں شہریار کے ساتھ کام کرنے کا تجربہ بہت اچھا رہا، شوٹنگ کے دوران ایسا لگ رہا تھا جیسے سب کچھ خود سے ہو رہا ہو، ہم دونوں کے درمیان کیمسٹری قابل تعریف ہے۔ فلم پرے ہٹ لو جو عید الاضحی پر نمائش کیلئے پیش کی جائے گی میں مایا علی، شہریار منور، ندیم بیگ، زارہ نور، حنا دلپزیر اور احمد بٹ اداکاری کے جوہر دکھاتے نظر آئیں گے۔

مزید : کلچر


loading...