مقبوضہ کشمیر کی صورتحال باعث تشویش،پاکستان اور بھارت کشیدگی بڑھانے سے گریز کریں،ملائیشین وزیراعظم
اسلام آباد(ڈیلی پاکستان آن لائن)مقبوضہ کشمیر کی موجودہ صورتحال پر ملائیشیا کے وزیراعظم مہاتیر محمد نے ردعمل دیتے ہوئے کہا ہے کہ امن و امان کیلئے دونوں ممالک اقوام متحدہ کی قراردادوں پر عمل کریں ،مسائل کے حل اور امن کیلئے مذاکرات ہی بہترین آپشن ہے ۔تفصیلات کے مطابق مقبوضہ کشمیر کی موجودہ صورتحال پر ملائیشیا کے وزیراعظم نے کہا ہے کہ عمران خان نے مقبوضہ کشمیر کی صورتحال پرمہاتیر کو بریف کیا تھا،ملائیشیا نے مقبولہ کشمیر کی موجودہ صورتحال تشویش کا اظہار کیا ہے ،مہاتیر محمد نے کہا ہے کہ خطے میں بڑھتے ہوئے تناﺅ پر تشویش ہے ،تمام فریق اقوام متحدہ کی قراردادوں کا پاس کریں ،انہوں نے کہا کہ پاکستان اور بھارت کشید گی بڑھانے سے گریز کریں ،مسائل کے حل اور امن کیلئے مذاکرات ہی بہترین آپشن ہے ۔
