نیب کا لوٹ مار میں ملوث حکمران جماعت کے ارکان کے گرد بھی گھیرا تنگ 

     نیب کا لوٹ مار میں ملوث حکمران جماعت کے ارکان کے گرد بھی گھیرا تنگ 

  

لاہور (مانیٹرنگ ڈیسک) آمدن سے زائد اثاثہ جات کیس میں نیب نے حکمران جماعت کے اراکین اسمبلی کو طلب کرنا شروع کردیاہے،قومی احتساب بیورو نے تحریک انصاف کے اراکین اسمبلی غضنفر عباس چھینہ، ملک کرامت اور انصر مجید نیازی کو پیش ہونے کی ہدایت کر دی ہے۔ذرائع کے مطابق نیب کی جانب سے تحریک انصاف کے اراکین اسمبلی غضنفر عباس چھینہ اور ملک کرامت کے خلاف تحقیقات کا آغاز کر دیا گیا ہے۔ آمدن سے زائد اثاثے بنانے کے کیس میں ملک کرامت کو 13 اگست کو طلب کیا گیا ہے۔اس کے علاوہ نیب لاہور نے تحریک انصاف کے وزیر انصر مجید نیازی کو بھی طلب کر لیا ہے۔ وزیر لیبر کو 19 اگست کو نیب میں پیش ہونے کی ہدایت کی گئی ہے۔ انصر مجید نیازی کے خلاف غیر قانونی ٹرانسفر پوسٹنگ اور تقرریوں کا الزام ہے۔

 گھیرا تنگ 

مزید :

صفحہ اول -