ناصر حسین شاہ کا ارشد ندیم کو ذاتی خرچ پر جرمنی ٹریننگ کیلئے بھیجنے کا فیصلہ
کراچی (ڈیلی پاکستان آن لائن )پاکستان پیپلز پارٹی کے رہنما اور وزیر بلدیات سندھ ناصر حسین شاہ کا کہنا ہے کہ اگلے اولمپک سے پہلے میں 2 سال کے لیے کامن ویلتھ گیمز میں گولڈ میڈل جیتنے والے پاکستان کے فخر ارشد ندیم کو ذاتی خرچ سے جرمنی ٹریننگ کے لیے بھجوانے کو تیار ہوں ۔
سماجی رابطے کی ویب سائٹ ٹویٹر پر پیغام جاری کرتے ہوئے ان کا کہنا تھا کہ "پاکستان کے لیے اس سے زیادہ فخر کی کوئی بات نہیں ہوسکتی کہ یہ گولڈ میڈلز جیتتے رہیں ،پاکستان زندہ باد"۔
اگلے اولمپک سے پہلے میں دو سال کے لیے کامن ویلتھ گیمز میں گولڈ میڈل جیتنے والے پاکستان کے فخر ارشد ندیم کو ذاتی خرچ سے جرمنی ٹریننگ کے لیے بھجوانے کو تیار ہوں ۔ پاکستان کے لیے اس سے زیادہ فخر کی کوئ بات نہیں ہوسکتی کہ یہ گولڈ میڈلز جیتتے رہیں ۔ پاکستان زندہ باد۔ #ArshadNadeem
— Syed Nasir Hussain Shah (@SyedNasirHShah) August 7, 2022
واضح رہے کہ کامن ویلتھ گیمز میں پاکستان کے ارشد ندیم نے جویلین تھرو میں گولڈ میڈل جیتا، انہوں نے 90.18 میٹر کی ریکارڈ تھرو کی،جس کے بعد وہ 90 میٹر سے لمبی تھرو کرنے والے پہلے پاکستانی بن گئے ،پاکستان نے 1966 کے بعد کامن ویلتھ گیمز ایتھلیٹکس میں میڈل جیتا جبکہ یہ 1962 کے بعد کامن ویتلھ گیمز ایتھلیٹکس میں پاکستان کا پہلا گولڈ میڈل ہے۔