سیلفیاں لینے کی کوشش میں مصروف نوجوانوں کی ہاتھیوں نے دوڑ لگوادی، ویڈیووائرل
نئی دہلی(مانیٹرنگ ڈیسک) بھارت میں چند نوجوان گاڑی پر جا رہے ہوتے ہیں کہ سامنے سے سڑک پر ہاتھیوں کا ایک غول آ جاتا ہے۔ ہاتھیوں کو دیکھ کر نوجوان گاڑی سے نکل کر ان کے سامنے سیلفیاں لینے اور ویڈیوبنانے لگتے ہیں مگر اس دوران ہاتھی ایسا کام کر دیتے ہیں کہ دیکھ کر ہی آدمی خوفزدہ رہ جائے۔ انڈیا ٹائمز کے مطابق مائیکروبلاکنگ پلیٹ فارم ٹوئٹر پر اس واقعے کی ویڈیو خاتون آئی اے ایس آفیسر سپریا سہو کی طرف سے پوسٹ کی گئی ہے۔
Selfie craze with wildlife can be deadly. These people were simply lucky that these gentle giants chose to pardon their behaviour. Otherwise, it does not take much for mighty elephants to teach people a lesson. video-shared pic.twitter.com/tdxxIDlA03
— Supriya Sahu IAS (@supriyasahuias) August 6, 2022
اس ویڈیو میں دیکھا جا سکتا ہے کہ جب نوجوان سڑک پر ہاتھوں سے کچھ فاصلے پر گاڑی روک دیتے ہیں اور موبائل فون نکال کر ویڈیوز بنانے لگتے ہیں تو پہلے تو ہاتھی وہیں سے واپس مڑنے کی کوشش کرتے ہیں مگر اگلے ہی لمحے واپس مڑکر نوجوانوں کی طرف دوڑنے لگتے ہیں۔ یہ دیکھ کر نوجوان بھی دوسری طرف دوڑ لگا دیتے ہیں تاہم خوش قسمتی سے ہاتھی ان کا پیچھا کرنے کی بجائے وہیں سڑک سے نیچے اتر کر جنگل میں چلے جاتے ہیں اور نوجوان کسی بڑے حادثے سے محفوظ رہتے ہیں۔ اس ویڈیو پر لوگ طرح طرح کے کمنٹس کر رہے ہیں۔ رامیش پانڈے نامی شخص نے لکھا ہے کہ ”شریف ہاتھی اور کچھ احمق انسان۔“