تبدیلی کی تحریک میں شہیدوں کا لہو شامل ہوگیا، ہر شہر میں احتجاج کریں گے: محمود الرشید

لاہور (مانیٹرنگ ڈیسک) پاکستان تحریک انصاف کے رہنماءاور پنجاب اسمبلی کے اپوزیشن لیڈر میاں محمود الرشید نے کہا ہے کہ تبدیلی کی تحریک میں شہیدوں کا لہو شامل ہوگیا ہے۔ تفصیلات کے مطابق فیصل آباد میں کارکن کی ہلاکت کے بعد مال روڈ پر جاری احتجاج میں شرکت کے موقع پر میڈیا سے گفتگو کرتے ہوئے میاں محمود الرشید نے کہا کہ تبدیلی کی تحریک میں شہیدوں کا لہو شامل ہو گیا ہے اور اب یہ تحریک ہر شہر کے ہر علاقے میں چلے گی۔ ان کا کہنا تھا کہ ظالمانہ نظام کے خلاف ملک بھر میں مظاہرے کئے جائیں گے۔