اداکارہ، ماڈل اور وی جے عروہ حسین 18 دسمبرکو پیا گھر سدھارجائیں گی
لاہور(فلم رپورٹر) اداکارہ، ماڈل اور وی جے عروہ حسین فرحان سعید کے ساتھ طویل دوستی کے بعد 18 دسمبرکو پیا گھر سدھارجائیں گی ۔ڈراموں کے بعد حال ہی میں گلوکاری کے سفرکا آغاز کرنے والی عروہ کافی عرصے سے گلوکار اور اداکارفرحان سعید کے ساتھ دوستی کے باعث خبروں میں نمایاں تھیں۔ شاید فرحان سے متاثر ہو کر ہی عروہ نے بھی گلوکاری کے میدان میں قدم رکھا۔گزشتہ ماہ کی 21 تاریخ کو فرحان سعید نے عروہ کو پیرس کے مشہور ایفل ٹاور کے سامنے خاصے رومانوی انداز میں ہیرے کی انگوٹھی پیش کرتے ہوئے شادی کی پیشکش کی تھی جسے عروہ نے بخوشی قبول کیا۔
اب دونوں کی شادی کی تاریخ سامنے آ گئی ہے اور یہ جوڑی 18 دسمبر کو ہمیشہ کیلئے ایک ہوجائے گی۔
