اداکس طیارے مرمت کر کے آپریشنل کر دیئے ،70جے ایف تھنڈر 17طیارے پاک فضائیہ کے سپرد ،قائمہ کمیٹی کو بریفنگ

اداکس طیارے مرمت کر کے آپریشنل کر دیئے ،70جے ایف تھنڈر 17طیارے پاک فضائیہ کے ...

  

اسلام آباد (آئی این پی) قومی اسمبلی کی قائمہ کمیٹی برائے دفاعی پیداوار کو آگاہ کیا گیا ہے کہ ایروناٹیکل کمپلیکس کامرہ نے 70 جے ایف تھنڈر طیارے آپریشنل استعمال کیلئے پاکستان ایئرفورس کے حوالے کردیئے‘ کمپلیکس ترکی اور نائیجیریا کے ساتھ سپر مشاق طیاروں کی فروخت کے معاہدے پر دیئے گئے ٹائم فریم کے اندر سپلائی کی مکمل صلاحیت رکھتا ہے‘ ایروناٹیکل کمپلیکس کے انجینئرز نے دہشت گردوں کے حملوں میں نقصان پہنچنے والے تمام اواکس طیارے مرمت کرکے آپریشنل کردیئے ہیں،کمیٹی نے آئندہ اجلاس میں پولیس‘ ایف سی‘ رینجرز سمیت چاروں صوبائی چیف سیکرٹریز اور ایم ڈی پیپرا اور پیپرا کے صوبائی سربراہان کو مقامی صنعت سے اسلحے اور ہتھیاروں کی خریداری کے معاملے پر بحث اور غور و خوض کے لئے طلب کرلیا۔ بدھ کو قائمہ کمیٹی دفاعی پیداوار کا اجلاس کمیٹی کے چیئرمین خواجہ سہیل منصور کی زیر صدارت پارلیمنٹ ہاؤس میں منعقد ہوا اجلاس میں سپر مشاق ایئرکرافٹ کے نائیجیریا اور ترکی کے ساتھ معاہدوں پر بریفنگ دی گئی۔ کمیٹی نے سبکدوش آرمی چیف جنرل راحیل شریف کی شاندار کارکردگی پر انہیں زبردست الفاظ میں خراج تحسین پیش کیا بالخصوص آپریشن ضرب عضب ،سی پیک اور لائن آف کنٹرول پر کشیدگی کے حوالے سے ان کے جرات مندانہ موقف کو سراہا گیا۔ کمیٹی نے کہا کہ پاکستان آرمی کے ایک جرات مند کمانڈر کے طور پر ان کی اعلیٰ صلاحیتوں اور کارکردگی کو مدتوں یاد رکھا جائے گا۔ ارکان نے کہا کہ جنرل راحیل شریف نے پاکستان آرمی کو دنیا کی بہترین افواج کی فہرست میں شامل کردیا کمیٹی ارکان نے پاک آرمی کے نئے چیف جنرل قمر جاوید باجوہ کی کامیابی کے لئے نیک خواہشات کا اظہار کرنے ان کی صلاحیتوں اور تجربے پر مکمل اعتماد کا اظہار کیا کمیٹی ارکان نے اس امید کا اظہار بھی کیا کہ جنرل باجوہ اپنے پیش رو کے مشن اور ویژن کو پاک آرمی اور قوم کی بہتری کیلئے جاری رکھیں گے۔ کمیٹی نے آئندہ 2016 کی نمائش کے کامیاب ‘ شاندار اور بامعنی انعقاد پر وزارت دفاعی پیداوار اور تمام سروسز چیفس کی بھی ستائش کی۔ بڑے ایونٹ کے تمام انتظامات کی نگرانی کرنے پر وزیر دفاعی پیداوار رانا تنویر کی بھی تعریف کی گئی۔ اس موقع پر پاکستان ایرو ناٹیکل کمپلیکس کامرہ کے چیئرمین نے سپر مشاق طیارے کی فروخت کے حوالے سے ترکی اور نائیجیریا کے ساتھ کامیاب معا ہدے بارے کمیٹی کو آگاہ کیا۔ انہوں نے کہا کہ ایرو ناٹیکل کمپلیکس معاہدے میں دیئے گئے ٹائم فریم کے مطابق سپر مشاق طیارے ی تیاری بارے وسیع تجربہ اور صلاحیت رکھتا ہے۔ انہوں نے کمیٹی کو آگاہ کیا کہ ایرو ناٹیکل کمپلیکس کے انجینئرز نے دہشت گردوں کے حملے میں نقصان پہنچنے والے اواکس طیاروں کی کامیابی سے مرمت کرلی ہے جبکہ 70 جے ایف تھنڈر طیارے آپریشنل استعمال کے لئے ایئر فورس کے حوالے کردیئے گئے ہیں کمیٹی نے اتفاق رائے سے فیصلہ کیا کہ کمیٹی کے آئندہ اجلاس میں دفاعی صنعت سے ہتھیاروں کی خریداری کے معاملے پر غور کے لئے قانون نافذ کرنے والے تمام اداروں ‘ پولیس‘ رینجرز‘ فرنٹیئر کانسٹیبلری‘ تمام چیف سیکرٹریز کو کمیٹی کے آئندہ اجلاس میں مدعو کیا جائے گا اس حوالے سے ایم ڈی پیپرا اور پیپرا کے صوبائی سربراہان کو بھی اجلاس میں بلایا جائے گا۔ اجلاس میں ڈاکٹر رمیش کمار‘ محمد خان‘ چوہدری حامد حمید‘ سید عاشق حسین‘ معین وٹو‘ مس عمار خان‘ مس عفت لیاقت‘ عائشہ ناصر‘ بلال رحمن سمیت دیگر اعلیٰ

مزید :

علاقائی -