ہیلی کاپٹر حادثہ، جنرل بپن راوت کی ہلاکت کی تصدیق ہوگئی

ہیلی کاپٹر حادثہ، جنرل بپن راوت کی ہلاکت کی تصدیق ہوگئی
ہیلی کاپٹر حادثہ، جنرل بپن راوت کی ہلاکت کی تصدیق ہوگئی
سورس: Twitter

  

نئی دلی (ڈیلی پاکستان آن لائن) بھارتی فضائیہ نے ریاست تامل ناڈو میں ہیلی کاپٹر حادثے میں بھارتی افواج کے چیف آف ڈیفنس سٹاف (سی ڈی ایس) جنرل بپن راوت کی ہلاکت کے دعووں کی تصدیق کردی۔

بھارتی فضائیہ کی جانب سے جاری بیان میں کہا گیا ہے کہ جنرل بپن راوت اور ان کی اہلیہ مدھولیکا راوت سمیت ہیلی کاپٹر میں سوار تمام افراد ہلاک ہوگئے ہیں۔

خبر ایجنسی اے این آئی نے کہا  تھا کہ  تامل ناڈو میں جس ہیلی کاپٹر کو حادثہ پیش آیا اس میں جنرل بپن راوت اور ان کی اہلیہ سمیت 14 افراد سوار تھے جن میں سے 13 کی ہلاکت کی تصدیق کردی گئی ہے۔ لاشوں کی شناخت ڈی این اے ٹیسٹنگ کے ذریعے کی جائے گی۔

حادثہ پیش آنے کے بعد کئی گھنٹوں تک سرکاری سطح پر جنرل بپن راوت کی ہلاکت کی تصدیق  نہیں کی گئی تاہم بھارتی فوج کے لیفٹیننٹ جنرل (ر) ایچ ایس پناگ نے پہلے ہی دعویٰ کردیا تھا کہ  حادثے میں جنرل بپن راوت بھی ہلاک ہوئے ہیں۔

مزید :

بین الاقوامی -