نوشکی (ویب ڈیسک) بلوچستان سے تعلق رکھنے والے 54 بچوں کے باپ عبدالمجید مینگل حرکت قلب بند ہونے سے انتقال کرگئے، گزشتہ روز ان کی تدفین کلی مینگل قبرستان میں کی گئی۔75 سالہ عبدالمجید مینگل نے 6 شادیاں کررکھی تھیں، ان کی پہلی شادی 18 برس کی عمر میں ہوئی تھی جبکہ دو بیویاں ان کی زندگی میں وفات پاگئیں تھی۔
میڈیا رپورٹس کے مطابق سال 2017 کی مردم شماری کے دوران عبدالمجید میڈیا کی سرخیوں میں آئے تھے، ایک انٹرویو میں انکا کہنا تھا کہ بچوں کی کفالت اور انہیں اچھی تعلیم دلانے کے لیے ہمیشہ سخت محنت کی اور بڑے بچوں اعلیٰ تعلیم دلوائی تاہم اب میں بوڑھا ہوگیا ہوں۔
عبدالمجید مینگل کے گھر 54 بچوں اور بچیوں کی پیدائش ہوئی تھیں۔ ان کے 12 سے زائد بچے خوراک کی قلت کے باعث فوت ہوگئے تھے۔