شہباز شریف انٹرنیشنل صادق و امین ہیں، رانا ثناء اللہ

شہباز شریف انٹرنیشنل صادق و امین ہیں، رانا ثناء اللہ
شہباز شریف انٹرنیشنل صادق و امین ہیں، رانا ثناء اللہ

  

اسلام آباد (ڈیلی پاکستان آن لائن ) وفاقی وزیر داخلہ رانا ثناء اللہ نے  وزیر اعظم شہباز شریف کو انٹرنیشنل صادق و امین قرار دیدیا۔

تفصیلات کے مطابق  برطانوی اخبار ڈیلی میل کی جانب سے شہباز شریف پر عائد کردہ الزامات پر معذرت کی گئی  جس کے بعد وزیر داخلہ رانا ثناء اللہ نے سماجی رابطے کی ویب سائٹ ٹویٹر پر اپنے  پیغام میں لکھا کہ  الحمد اللہ ایک اور بدنیتی پر مبنی پراپیگنڈا بے نقاب ہو چکا ہے، شہباز شریف انٹرنیشنل صادق و امین ہیں۔

خیال رہے کہ ڈیلی میل نے 14 جولائی 2014 کو ایک مضمون شائع کیا تھا جس میں شہباز شریف پر زلزلہ متاثرین کے فنڈز میں خورد برد کا الزام تھا ۔ آج اخبار نے اپنی رپورٹ پر معذرت کی  ۔ ڈیلی میل نے لکھا کہ شہباز شریف کے خلاف زلزلہ متاثرین فنڈز میں کرپشن کی خبر پر معذرت خواہ ہیں، شہباز شریف کے خلاف قومی احتساب بیورو کی تحقیقات کی اطلاع دی گئی تھی، بتایا گیا تھا کہ شہباز شریف کے خلاف متاثرین کی رقم میں خوردبرد کی تحقیقات ہو رہی ہیں۔

اخبار نے کہا کہ نیب نے شہباز شریف پر برطانوی گرانٹ میں کسی غلط کام کا الزام نہیں لگایا۔

مزید :

قومی -