اقوام متحدہ میں فلسطین کے حق میں 5 قرار دادیں منظور

اقوام متحدہ میں فلسطین کے حق میں 5 قرار دادیں منظور
اقوام متحدہ میں فلسطین کے حق میں 5 قرار دادیں منظور

  IOS Dailypakistan app Android Dailypakistan app

جنیوا(ڈیلی پاکستان آن لائن) اقوام متحدہ کی جنرل اسمبلی میں فلسطینیوں کے حق میں  5 قراردادیں منظور کرلیں گی۔

غیر ملکی میڈیا کے مطابق اقوامِ متحدہ کی جنرل اسمبلی میں فلسطینیوں کے حق میں پیش کی گئی قراردادوں میں اسرائیلی جارحیت کی تحقیقات کرانے سمیت امدادی کاموں، بے گھر ہونے والوں کے اثاثوں کے تحفظ، یہودی آبادکاروں اور بنیادی حقوق کی عدم فراہمی شامل ہے۔سب سے پہلے فلسطینی پناہ گزینوں کے اثاثوں کے تحفظ سے متعلق قرارداد پیش کی گئی جسے 163 ارکان کی حمایت سے منظور کرلیا گیا۔ امدادی کاموں سے متعلق پیش کی گئی قرارداد کو 165 ووٹ ملے۔

یہودی آبادکاروں کی بستیوں کے خلاف قرارداد کے حق میں 149 ممالک نے ووٹ دیا جب کہ بنیادی حقوق کی فراہمی سے متعلق قرارداد بھی 168 ووٹس سے منظور ہوگئی۔تاہم فلسطینیوں کے حقوق کے خلاف اسرائیلی کارروائیوں کی تحقیقات سے متعلق قرارداد کو صرف 86 ووٹ حاصل ہوئے اور 12 ممالک نے مخالفت کی جب کہ 75 ممالک رائے شماری کے وقت اجلاس سے غیرحاضر رہے۔