دبئی میں گانوں کی ویڈیوز بنانے میں مصروف ہوں،میگھا
لاہور(فلم رپورٹر)فلم،ٹی وی اور سٹیج کی معروف اداکارہ،ماڈل اور پرفارمر قتالہ سٹیج گلوکارہ میگھا نے کہا ہے کہ میں ان دنوں دبئی میں اپنے نئے گانوں کی ویڈیوز بنانے میں مصروف ہوں جلد وطن واپسی ہوگی۔ گائیکی کے میدان میں سوچ سے زیادہ پذیرائی مل رہی ہے۔میں مزید محنت اور لگن کے ساتھ گلوکاری کا سفر جاری رکھوں گی۔میگھانے کہا ہے کہ آج کے دور میں مخلص اور پر خلوص لوگوں کا قحط ہے،نفسا نفسی کے اس دور میں لوگ رشتوں کے احترام کو فراموش کرتے جارہے ہیں،زندگی میں پیار اور محبت لازمی ہے میگھا نے کہاکہ میں اس بات پر مکمل یقین رکھتی ہوں کہ انسان جو بوتا ہے وہی کاٹتا ہے۔
میں نے اپنی زندگی میں جو بھی دل و دماغ میں آیا اس کو ٹھان کر محنت کی جس کی وجہ سے مجھے خدانے عزت و شہرت اور مقام دیا۔ میرا ظاہر اور باطن ایک ہے جو بات دل میں ہوتی ہے وہ بیان کرنے سے گریز نہیں کرتی جس کی وجہ سے بعض مرتبہ مجھے تنقید کاسامنا بھی کرنا پڑتا ہے لیکن مجھے اس کی پرواہ نہیں کیونکہ میں اپنے ضمیر کو مردہ نہیں بنا سکتی۔انہوں نے کہا کہ محبت زندگی کا لازمی جز ہے جس کے بغیر زندگی بے معنی سی لگتی ہے۔میں ان دنوں مختلف شوز میں پرفارم کررہی ہوں۔