لتا منگیشکر کا انتقال ، اپنے پیچھے کتنی دولت چھوڑ گئیں؟ بھارتی میڈیا تفصیلات سامنے لے آیا

لتا منگیشکر کا انتقال ، اپنے پیچھے کتنی دولت چھوڑ گئیں؟ بھارتی میڈیا تفصیلات ...
لتا منگیشکر کا انتقال ، اپنے پیچھے کتنی دولت چھوڑ گئیں؟ بھارتی میڈیا تفصیلات سامنے لے آیا

  

ممبئی (ویب ڈیسک) بھارتی لیجنڈ گلوکارہ لتا منگیشکر کے پاس ایک بوئیک، کرسلر اور مرسیڈیز جیسی لگژری گاڑیاں تھیں، بھارتی میڈیا نے مختلف رپورٹ کا حوالہ دیتے ہوئے بتایا کہ لتا منگیشکر کی ماہانہ آمدنی تقریباً 40 لاکھ روپے تھی جو انہیں گانوں کی رئیلٹی کی صورت میں ملتے تھے۔میڈیا کی بعض رپورٹ میں لتا منگیشکر کے کل کی اثاثوں کی مالیت 360 کروڑ بتائی گئی تو کچھ میں 108 سے 105 کروڑ کا ذکر ملتا ہے۔

 لتا منگیشکر  گزشتہ دنوں  92 برس کی عمر میں ممبئی کے ہسپتال میں انتقال کرگئی تھیں، انہوں نے 13 سال کی عمر میں پہلے گانے سے 25 روپے کمائے تھے۔مالی آسودگی کے باوجود بھارتی گلوکارہ نے زندگی کے بارے میں اپنا رویہ نہیں بدلا، وہ اپنے لائف سٹائل کے ساتھ آخری وقت تک جڑی رہیں۔

لتا منگیشکر کے پاس کاروں کا بھی بڑا کلیکشن تھا، انہوں نے اپنے کیریئر کے ابتدا میں ہی شیورلیٹ خریدی، ان کے گیراج میں ایک بوئیک، کرسلر اور مرسیڈیز بھی تھی۔مرسیڈیز کے متعلق کہا جاتا ہے آنجہانی یش چوپڑا نے ’ویر زارا‘ کے تمام گانے گانے پر فلم کی ریلیز کے دوران خود تحفے میں دی تھی۔

لتا منگیشکر نے اپنے 7 دہائیوں پر محیط کیریئر کے دوران کئی زبانوں میں 30 ہزار سے زائد گانے گائے تھے۔

مزید :

تفریح -