سی ٹی ڈی کراچی کی کارروائی، کالعدم تنظیم کا کمانڈر گرفتار، اہم انکشافات
کراچی(ڈیلی پاکستان آن لائن)سی ٹی ڈی کراچی نے کورنگی انڈسٹریل ایریا میں کارروائی کرتے ہوئے کالعدم تنظیم کا کمانڈر گرفتارکرلیا۔
نجی ٹی وی چینل ایکسپریس نیوز کے مطابق گرفتار ملزم عبدالمالک کے قبضے سے 30 بور پستول برآمد ہوا،گرفتار کالعدم تنظیم کے کمانڈر کے دوران تفتیش مزید انکشافات کئے۔
سی ٹی ڈی کا کہناہے کہ کمانڈر عبدالمالک حوالہ ہنڈی کا کام بھی کرتا ہے ،ملزم 2011 سے کالعدم تنظیم ملا عبدالمنان گروپ سے وابستہ ہے ،ملزم افغان شہریت کا حامل اور عرصہ دراز سے کراچی میں مقیم ہے ۔
سی ٹی ڈی نے کہاکہ ملزم اکثر رمضان المبارک میں چندہ اکٹھا کرتا ہے ،جمع شدہ چند ہ افغانستان کالعدم تنظیم کو بھجواتا ہے ، گرفتار ملزم حوالہ ہنڈی کے ذریعے بھاری رقم افغانستان بھیج چکا ہے،گرفتار ملزم کے موبائل فون سے اہم معلومات ملی ہیں ،برآمد شدہ موبائل فون کا فرانزک معائنہ کرایا جا رہا ہے ۔
