وزیراعظم شہباز شریف نے ملکی تاریخ کی سب سے بڑی کابینہ کا نیا ریکارڈ قائم کردیا
اسلام آباد(ڈیلی پاکستان آن لائن)وزیراعظم شہباز شریف نے ملکی تاریخ کی سب سے بڑی کابینہ کا نیا ریکارڈ قائم کر دیا۔
نجی ٹی وی چینل دنیا نیوز کے مطابق وزیراعظم شہباز شریف نے ایک ساتھ 5 معاونین خصوصی کا اضافہ کردیا،وزیراعظم کے معاونین خصوصی کی تعداد بڑھ کر 38 ہوگئی ۔
راﺅ اجمل، شائستہ پرویز، قیصر احمد شیخ کو معاونین خصوصی تعینات کردیاگیا،حامد حمیداور ملک سہیل خان بھی معاونین خصوصی تعینات کر دیئے گئے ، نئے معاونین خصوصی کی شمولیت سے کابینہ کی تعداد83 ہو گئی ۔
تمام نئے معاونین خصوصی کا عہدہ وزیر مملکت کے برابر ہوگا، نئے معاونین خصوصی کو کوئی قلمدان نہیں دیا گیا، بلامعاوضہ کام کریں گے ،وزیراعظم کی کابینہ میں 38 معاونین خصوصی، 34 وفاقی وزرا، 7 وزرائے مملکت اور4 مشیر شامل ہیں۔
