سوشل میڈ یا پر عدت کے دنوں میں شادی کی افواہوں پر مقتول صحافی ارشد شریف کی بیوہ جویریہ صدیق خود میدان میں آگئیں
اسلام آباد (ڈیلی پاکستان آن لائن)مقتول صحافی ارشد شریف کی بیوہ جویریہ صدیق کے حوالے سے سوشل میڈ یا پر جھوٹی افواہیں پھیلائی جا رہی ہیں کہ انہوں نے عدت مکمل کیے بغیر تحریک انصاف کے رہنما عمران اسماعیل سے دوسری شادی کر لی ہے تاہم اس جھوٹے پراپیگنڈے کے زور پکڑنے کے بعد اب جویریہ صدیق خود ہی میدان میں آگئی ہیں ۔مائیکرو بلاگنگ ویب سائٹ ٹوئٹر پر انہوں نے کہا کہ 'ارشد تم تو کہتے تھے یہ مردوں کی جنگیں ہیں بات عورتوں تک نہیں آئے گی بیٹیاں بہنیں سانجھی ہوتی ہیں۔ ارشد اس ملک میں ایسا نہیں ہوتا دیکھو بیوگی میں بھی میرے سر سے چادر کھینچ رہے ہیں کیا یہ اسلامی ملک ہے ؟،۔ ان کا مزید کہنا تھا کہ میرے شوہر کو گولی سے مار دیا مجھے کردار کشی سے ماریں گے ۔
میرے شوہر کو گولی سے مار دیا مجھے کردار کشی سے ماریں گے ۔
یا اللہ انصاف کر
— Javeria Siddique (@javerias) February 8, 2023
ارشد تم تو کہتے تھے یہ مردوں کی جنگیں ہیں بات عورتوں تک نہیں آئے گی بیٹیاں بہنیں سانجھی ہوتی۔ ارشد اس ملک میں ایسا نہیں ہوتا دیکھو بیوگی میں بھی میرے سر سے چادر کھینچ رہے ہیں کیا یہ اسلامی ملک ہے ؟
— Javeria Siddique (@javerias) February 8, 2023
واضح رہے کہ گزشتہ روز سے سوشل میڈ یا پر یہ جھوٹی افواہیں پھیلائی جا رہی ہیں کہ جویریہ صدیق نے عدت مکمل کیے بغیر تحریک انصاف کے رہنما عمران اسماعیل سے شادی کرلی ہے ۔
کل سے سوشل میڈیا پر خبر گردش کر رہی ہے کہ مرحوم ارشد شریف کی بیوہ جویریہ صدیق نے بھی دوران عِدَّت میں عمران اسماعیل سے خفیہ نکاح کر لیا ہے
اگر یہ خبر واقعی سچ ہے تو
ریاست مدینہ والوں کو سلام ہے pic.twitter.com/CjHsWFgmup
— Malik Rizwan Ahmed PML-N (@MalikRi62751771) February 7, 2023
