1122نے پنجاب بھرمیں 1114ٹریفک حادثات پربروقت کارروائی کی 

لاہور(کر ائم رپو رٹر)ایمرجنسی سروسز ڈیپارٹمنٹ 1122نے گذ شتہ 24گھنٹوں کے دوران پنجاب بھر میں 1114ٹریفک حادثات پربروقت ریسپانڈ کیا۔ حادثات میں 491افراد شدید زخمی ہوگئے جنہیں فوری طور پر نزدیکی ضلعی و تحصیل کے ہسپتالوں میں منتقل کیا گیا۔689معمولی زخمی لوگوں کو ریسکیومیڈیکل ٹیموں کے جائے حادثہ پر بروقت طبی امداد فراہم کرنے کی وجہ سے ہسپتالوں پر بوجھ بھی کم ہوا۔اعدادو شمار سے ظاہر ہوتا ہے کہ226ٹریفک حادثات کی فون کالز لاہور کنٹر ول روم میں موصول ہوئیں جس میں صوبائی دارالحکومت247متاثرین کے ساتھ پہلے فیصل آباد85حادثات میں90 متاثرین کے ساتھ دوسر ے،گوجرانوالہ 75 حادثات میں67متاثرین کے سا تھ تیسرے نمبرپررہا۔