"پرسکون رہیں لیکن جہاں ضروری ہو اپنی آواز بلند کریں"حنا خواجہ بیات

کراچی ( ڈیلی پاکستان آن لائن )پاکستانی معروف اداکارہ حنا خواجہ بیات نے  ووٹ کاسٹ کرنے کے بعد سوشل میڈیا پر ویڈیو شیئر  کرتے ہوئے شکایت کی کہ ان کے حلقے میں پولنگ تاخیر سے شروع ہوئی ۔انہوں نے کہا کہ صبح 8 بجے سے شہری قطار میں لگے ہوئے تھے لیکن ووٹنگ وقت پر شروع نہیں ہوئی، عملہ اور پریذائیڈنگ افسر موجود تھے تاہم کچھ پولنگ ایجنٹس نہ ہونے کی وجہ سے ووٹنگ شروع نہیں کر وا رہے تھے۔ہم نے پریذائڈنگ آفیسر سے بات کی اور مل کر اس چیز کو یقینی بنایا کہ ووٹنگ شروع ہو اور ہم نے اپنا ووٹ کاسٹ کرلیا۔

حنا خواجہ بیات نے پوسٹ کے کیپشن میں لکھا ’پرسکون رہیں لیکن جہاں ضروری ہو اپنی آواز بلند کریں- اپنے لیے، اپنی قوم کے لیے‘. ایک اور پوسٹ میں انہوں نے کہا کہ الحمداللہ میں نے اپنا ووٹ ڈال دیا ہے۔