لندن، ٹرین میں ایک خاتون کی مسافر کے ساتھ نسل پرستانہ سلوک کی ویڈیو وائرل
لندن (آئی این پی )برطانیہ کے شہر مانچسٹر جانے والی ٹرین میں ایک خاتون مسافر کی مرد مسافر نے نسل پرستانہ سلوک کی ویڈیو ریکارڈ کرلی ، جو وائرل ہو گئی۔
میڈیا رپورٹس کے مطابق خاتون نے مرد مسافر سے کہا کہ برطانیہ چھوڑ کر مراکش یا تیونس چلے جائو۔ اس شخص نے غصے میں آنے کی بجائے پرسکون اور ہوشیاری کے ساتھ صورتحال کو اچھی طرح سنبھالا۔
میڈیا رپورٹس کے مطابق خاتون نے سامنے بیٹھے مرد مسافر کو پہلے تو منفی انداز میں پاں ہٹانے کے لیے کہا جس کے بعد مسافر نے کہا کہ یہ میرا ملک ہے! میں یہاں پیدا ہوا ہوں۔ آپ ایسا کیوں کہہ رہی ہیں، آپ کون ہوتی ہیں میری بے عزتی کرنے والی؟ ۔
غیر ملکی میڈیا کے مطابق جب مرد مسافر نے خاتون سے پوچھا کہ آپ کا تعلق کہاں سے ہے تو اس نے جواب دینے سے انکار کیا اور کہا کہ میں آپ سے بات نہیں کرنا چاہتی۔برٹش ٹرانسپورٹ پولیس کے مطابق اس واقعے کی تفتیش جاری ہے، وائرل ویڈیو پر خاتون جانب سے مرد مسافر کو نسل پرستی کا نشانہ بنانے پر تنقید کی جا رہی ہے۔
