سہ ملکی سیریز اورپھر چیمئنز ٹرافی کا انعقادکھیل کے میدان آباد کرنے کے عزم کی جیت ہے: وزیر اعلیٰ پنجاب

لاہور  ( ڈیلی پاکستان آن لائن ) وزیراعلیٰ پنجاب مریم نواز نے ملک میں کرکٹ ٹیموں کی آمد اورسہ ملکی ٹورنامنٹ کے آغاز پر اظہار تشکر کیا اورکئی دہائیوں کے بعد پاکستان میں غیر ملکی کرکٹ سیریز ٹرافی کے انعقاد کا خیر مقدم کیاہے- وزیراعلیٰ مریم نواز نے سہ ملکی کرکٹ ٹورنامنٹ کے آغازپر شائقین کرکٹ کو مبارکباددی ہے-وزیراعلیٰ مریم نواز نے وزیراعظم  شہبازشریف، چیئرمین پی سی بی اور پوری ٹیم کو مبارکباد دی ہے-

وزیراعلیٰ  نے پاکستان،نیوزی لینڈ اور جنوبی افریقہ کی ٹیموں کے لیے نیک تمناؤں کا اظہارکیا ہے- وزیراعلیٰ مریم نواز نے کہاکہ سہ ملکی سیریز اورپھر چیمئنز ٹرافی کا انعقادکھیل کے میدان آباد کرنے کے عزم کی جیت ہے۔کرکٹرز کو قذافی سٹیڈیم میں دیکھ کر ہونے والی خوشی بیان نہیں کرسکتی-وزیراعلیٰ نے کہاکہ اللہ تعالیٰ کے فضل وکرم سے کرکٹ کے میدانو ں کی رونقیں لوٹ رہی ہیں -کھیل او رمیلے پنجاب کی ثقافتی پہچان ہیں،بحالی دیکھ کر خوشی ہوئی-کھیل انسان کو صلاحیتو ں کے اظہار کے بھرپو رمواقع فراہم کرتے ہیں -