تمام حاکم ادارے ،واپڈا کے نا دہندہ نکلے

اسلام آباد(مانیٹر نگ ڈیسک) پیپکو کی جاری کردہ رپورٹ میں انکشاف کیا گیا ہے کہ ایوان صدر،وزیراعظم ہاﺅس،حساس ادارے،دفاعی ادارے بجلی کے نادہندہ ہیں ۔ جیو نیوز کے مطابق پیپکو کی طرف سے بنائی گئی یہ رپورٹ توانائی بحران پرخصوصی کمیٹی میں پیش کی گئی جس بتایا گیا ہے کہ آرمی ملٹری انجینئرنگ سروس82کروڑ46لاکھ روپے کی نادہندہ ہے،فیلڈاوربارڈرزپرتعینات آرمی8کروڑ59لاکھ کی نادہندہ ہے ،ملٹری ڈیری فارم1کروڑ74لاکھ،جوائنٹ سٹاف ہیڈکوارٹر1کروڑ67لاکھ کانادہندہ ہے۔مجموعی طورپرڈیفنس سروسزایک ارب13کروڑروپے کے نادہندہ ہیں،دفاعی پیداواری ڈویڑن4کروڑ79لاکھ روپے کی نادہندہ ہے۔پیپکورپورٹ کے مطابق ایوان صدرایک کروڑ58لاکھ روپے کانادہندہ ہے،وزیراعظم سیکریٹریٹ وہاﺅس41لاکھ20ہزارروپے ،چیئرمین سینیٹ کا دفتر اورگھر5کروڑ 99لاکھ روپے،وفاقی وزراکی رہائش گاہیں ایک کروڑ38لاکھ روپے کی نادہندہ ہیں،سپریم کورٹ36لاکھ70ہزاراوروفاقی شرعی عدالت 39لاکھ40ہزارکی نادہندہ ہیں۔الیکشن کمیشن33لاکھ20ہزارروپے،وفاقی پولیس2کروڑ58لاکھ کی نادہندہ ہے۔آئی بی 63لاکھ روپے،ایف آئی اے80لاکھ روپے کی نادہندہ ہے۔بجلی کی مدمیں وزارت ریلوے26کروڑ34لاکھ روپے کی نادہندہ ہے۔ ریاستوں اورسرحدی علاقوں کی وزارت34کروڑروپے کی نادہندہ ہے۔فرنٹیئرکانسٹبلری بلوچستان10کروڑروپے کی نادہندہ نکلی۔ وفاقی حکومت اوراس کے ادارے مجموعی طورپر7ارب23کروڑروپے کے نادہندہ ہیں۔پیپکو نے یہ رپورٹ نومبر2012 ءتک ڈیفالٹرزکی لسٹ خصوصی کمیٹی کو پیش کی ۔