روس کے ساتھ اچھے تعلقات کی مخالفت کرنے والے احمق اور بے قوف ہیں، ڈونلڈ ٹرمپ کھل کرکھیلنے لگے
نیو یارک(ڈیلی پاکستان آن لائن) روس کے ساتھ اچھے تعلقات کی مخالفت کرنے والے احمق اور بے قوف ہیں، ڈونلڈ ٹرمپ کھل کرکھیلنے لگے ہیں۔
Having a good relationship with Russia is a good thing, not a bad thing. Only "stupid" people, or fools, would think that it is bad! We.....
— Donald J. Trump (@realDonaldTrump) January 7, 2017
ایک ٹوئٹ میں ٹرمپ نے روس کے ساتھ مل کر بہت سے مسائل میں سے کچھ کو حل کرنے کا اعادہ کیا ہے،ڈونلڈ ٹرمپ کایہ بیان اس وقت آیا ہے جب انٹیلی جنس اداروں نے اپنی اس رپورٹ کے حوالے سے نومنتخب صدر کو بریفنگ دی، اس انٹیلی جنس رپورٹ میں کہا گیا ہے کہ روسی صدر نے ٹرمپ کو جتوانے کے لیے مدد کی کوشش کی تھی۔
انٹیلی جنس کی جانب سے دی گئی بریفنگ کے بعد ٹرمپ روس پر مداخلت کا الزام لگانے سے باز رہے اور صرف یہ کہا کہ انتخابات کے نتائج اس سے متاثر نہیں ہوئے۔
نو منتخب صدر نے کہا کہ ڈیموکریٹک پارٹی کے سررو ہیگ ہونے کی وجہ ڈیموکریٹس کی غفلت کا نتیجہ ہے۔
both countries will, perhaps, work together to solve some of the many great and pressing problems and issues of the WORLD!
— Donald J. Trump (@realDonaldTrump) January 7, 2017
انھوں نے ایک اور ٹویٹ میں لکھا کہ روس کے ساتھ اچھے تعلقات رکھنا کوئی بری بات نہیں ہے اور 'صرف بے وقوف اور احمق لوگ ہی اس کو برا سمجھیں گے'۔
انٹیلی جنس پورٹ میں کہا گیا تھا کہ روسی صدر ولادی میر پوتن نے سنہ 2016 کے صدراتی انتخابات پر اثر انداز ہونے کے لیے مہم چلانے کا حکم دیا تھا۔ اس رپورٹ میں کہا گیا ہے کہ روس کا مقصد امریکی جمہوری عمل پر سے عوام کا یقین کمزور بنانا ہلیری کلنٹن کو بدنام کرنا اور صدارت کے لیے ان کے انتخاب کو نقصان پہنچانا تھا۔
نومنتخب امریکی صدر ڈونلڈ ٹرمپ نے روس مخالف ڈین کوٹس کو نیشنل انٹیلی جنس کا ڈائریکٹر نامزدکردیا
یاد رہے کہ صدارتی انتخابات جیتنے کے بعد سے ڈونلڈ ٹرمپ بارہا روسی ہیکنگ کے دعوی کے حوالے سے امریکی انٹیلی جنس اداروں پر سوالات اٹھاتے رہے ہیں۔ ایک بار انھوں نےکہا تھا یہ وہ وہی انٹیلی جنس ایجنسیاں ہیں جنھوں نے کہا تھا کہ عراق کے پاس وسیع پیمانے پر تباہی پھیلانے والے ہتھیار موجود ہیں۔
