نیب ترمیمی آرڈنینس جاری پلی پارگین کرنیوالا تاحیات نااہل ،آج سے نافذ العمل

نیب ترمیمی آرڈنینس جاری پلی پارگین کرنیوالا تاحیات نااہل ،آج سے نافذ العمل

اسلام آباد(مانیٹرنگ ڈیسک228آن لائن، اے این این)وفاقی حکومت نے پلی بارگین کاقانون ختم کرنے کا فیصلہ کر لیا ہے نیب آرڈیننس کی شق 25 اے میں ترمیم لائی جائے گی جس کے تحت کرپشن میں ملوث سرکاری عہداروں پر تاحیات پابندی اور پلی بارگین کرنیوالے شخص پر پوری زندگی الیکشن لڑ نے اور عہدے سنبھالنے پر پابندی ہوگی، احتساب سے متعلق نیا آرڈیننس ہفتہ کی رات 12 بجے سے نافذ العمل ہوگا۔آرڈیننس پیر کو سینٹ میں بھی پیش کیا جائے گا جبکہ نیب آرڈیننس 1999 میں ترامیم کیلئے کمیٹی تشکیل دی گئی ہے جس میں پارلیمانی کمیٹی سینٹ اور قومی اسمبلی کے 20 ارکان شامل ہیں اور کمیٹی کا پہلا اجلاس منگل کو ہوگا جس میں نیب آرڈیننس 1999 پر مزید نظر ثانی کی جائے گی فوجی عدالتوں سے حد درجہ فائدہ ہوا ملک میں ٹرائل کورٹ سے دہشت گردی میں کمی آئی ہے فوجی عدالتوں کے حوالے سے تمام جماعتوں سے مزید مشاورت کی ضرورت ہے سوئس حکام سے اطلاعات کے تبادلے کا معاہدہ طے پاگیا ہے، سوئس پارلیمنٹ کی طرف سے اس معاہدے کی منظوری کا انتظار ہے،جس کے بعد ہی عملدرآمد کا تعین ہو سکے گا۔پٹرولیم مصنوعات کی قیمتوں میں 6 ماہ سے تبدیلی نہ کرنے کے باعث حکومت کو 85 بلین روپے کا نقصان اٹھانا پڑا تاہم حکومت نئے ٹیکسز لگانے کا کوئی ارادہ نہیں رکھتی اسلام آباد میں قوانین جائزہ کمیٹی کے ہمراہ پریس کانفرنس کرتے ہوئے وزیرخزانہ اسحق ڈار نے کہا کہ عدالت عظمیٰ نے نیب آرڈیننس کی شق 25 اے کے تحت حکومتی مؤقف پوچھا تھا اسی شق میں پلی بارگین بھی شامل ہے، جس پر قانونی کمیٹی نے شق 25 اے میں ترامیم سے متعلق وزیراعظم نوازشریف کو سفارشات دی ہیں۔ وزیراعظم سے کرپشن میں ملوث سرکاری عہداروں پر تاحیات پابندی کی سفارش کی اور اس تجویز کو انہوں نے منظور کرلیا ہے وزیراعظم کو تجویز دی ہے کہ پلی بارگین میں عدالتی منظوری بھی ہو اور عوامی نمائندگی کے قوانین پر نظر ثانی کا بھی کہا گیا تھا۔اسحق ڈار نے مزید کہا کہ حکومت نے کرپشن کے خلاف انتہائی قدم اٹھالیا ہے اب کرپشن میں ملوث فرد زندگی بھر الیکشن بھی نہیں لڑسکے گا پلی بارگین سرے سے ختم کی جارہی ہے اور اس کی سزا نااہلی ہوگی، ان کا کہنا تھا کہ پلی بارگین سے متعلق بل پاس کروانے میں وقت لگے گا اس لئے فیصلہ کیا گیا کہ آرڈیننس کے ذریعے ترامیم کی جائیں، آرڈیننس کے ذریعے نیب کے پلی بارگین قانون میں ترمیم کی جائیگی اور سوموار کو سینٹ میں بھی آرڈیننس پیش کردیا جائے گا جبکہ قانون ساز کمیٹی میں بھی تمام جماعتوں کو نمائندگی دی گئی ہے۔ احتساب سے متعلق نیاآرڈیننس ہفتہ کی رات 12 بجے سے نافذ العمل ہوگا۔وفاقی وزیر کا کہنا تھا کہ پاکستان میں کاروباری قوانین میں بہت آزادی ہے جس پر نظر ثانی کررہے ہیں، کمپنیز آرڈیننس کو 32 سال بعد تبدیل کیا جارہا ہے نئے قانون کے مطابق پاکستان کے باہر اثاثوں کو بھی ظاہر کرنا لازمی ہوگا۔اسحق ڈار کا کہنا تھا کہ موجودہ حکومت نے ملکی مفاد میں دلیرانہ فیصلے کئے ہیں دہشت گردی کے ناسور کے خاتمے کیلئے آپریشن ضرب عضب اور فوجی عدالتوں نے اہم کردار ادا کیا، فوجی عدالتوں سے حد درجہ فائدہ ہوا ملک میں ٹرائل کورٹ سے دہشت گردی میں کمی آئی ہے فوجی عدالتوں کے حوالے سے تمام جماعتوں سے مزید مشاورت کی ضرورت ہے۔ قومی مسائل پر سب کو اعتماد میں لینا لازمی ہے آئین میں ترمیم کی ضرورت پڑے گی اور اس مسئلے پر تمام پارلیمانی رہنماؤں سے بات کریں گے۔سوئس بینکوں میں پاکستانیوں کی دولت سے متعلق وفاقی وزیر نے کہا کہ سوئس بینکوں سے پاکستانیوں کی رقوم کی واپسی آسان کام نہیں، رقم کی واپسی کیلئے ہر فردکے حوالے سے علیحدہ معلومات دینا ہو گی اس سلسلے میں سوئس حکام سے اطلاعات کے تبادلے کا معاہدہ طے پاگیا ہے، سوئس پارلیمنٹ کی طرف سے اس معاہدے کی منظوری کا انتظار ہے،جس کے بعد ہی عملدرآمد کا تعین ہو سکے گا۔ان کا کہنا تھا کہ پٹرولیم مصنوعات کی قیمتوں میں 6 ماہ سے تبدیلی نہ کرنے کے باعث حکومت کو 85 بلین روپے کا نقصان اٹھانا پڑا تاہم حکومت نئے ٹیکسز لگانے کا کوئی ارادہ نہیں رکھتی۔وفاقی وزیرقانون زاہد حامد کا کہنا تھا کہ کرپشن کے خلاف ہمارے منشور میں زیروٹالرینس ہے۔ پہلے پلی بارگین قانون میں کرپٹ فرد پر 10 سال کی پابندی کا قانون تھا لیکن اب ترمیم کرکے کرپٹ افراد پر زندگی بھر کے لئے پابندی عائد کردی جائے گی، عدالتی حکم کے مطابق کرپٹ فردسے رقم کی وصولی کی جائے گی اور وصولی کے ساتھ ہی عہدے سے بھی ہٹا دیا جائے گا۔ پلی بارگین کرنے والا عدالت سے منظوری لے گا۔زاہد حامد نے کہا کہ نیب آرڈیننس 1999 میں ترامیم کے لئے کمیٹی تشکیل دی گئی ہے جس میں پارلیمانی کمیٹی سینٹ اور قومی اسمبلی کے 20 ارکان شامل ہیں اور کمیٹی کا پہلا اجلاس آئندہ بدھ کو ہوگا جس میں نیب آرڈیننس 1999 پر مزید نظر ثانی کی جائے گی۔انوشہ رحمان کا کہنا تھا کہ وزیراعظم تمام کرپٹ عناصر کے خلاف بلا تفریق کارروائی چاہتے ہیں اور نیا آرڈیننس کرپشن کے خاتمے کیلئے مفید ثابت ہوگا۔بیرسٹر ظفراللہ کا کہنا تھا کہ پاکستان میں ایسا قانون بننا خوش آئند ہے ایسا قانون دنیا میں کہیں بھی نہیں کہ کرپشن میں ملوث افراد پر زندگی بھر کیلئے پابندی عائد کردی جائے ۔

پلی بارگین

اسلام آباد(مانیٹرنگ ڈیسک228آن لائن) نیب ترمیمی آرڈیننس 2017ء جاری کردیاگیا جس کے تحت پلی بارگین کیلئے کا قانون ختم کردیا گیا پلی بارگین کیلئے عدالت سے اجازت لینا ہوگی، پلی بارگین کرنیوالا عوامی عہدے کیلئے تاحیات نااہل ہوگا،صدرمملکت نے نیب ترمیمی آرڈیننس2017ء جاری کردیا ہے،اس آرڈیننس کے تحت چےئرمین نیب کا پلی بارگین کا اختیار ختم ہے اس آرڈیننس کے تحت چےئرمین نیب کا پلی بارگین کا اختیار ختم کردیاگیا ہے،پلی بارگین کی اجازت صرف عدالت دے سکے گی،پلی بارگین کرنے والا تاحیات عوامی عہدے کیلئے نااہل ہوگا اور سرکاری عہدہ رکھنے والا پلی بارگین پر برطرف کردیا جائے گا اور وہ تاحیات سرکاری عہدے کا اہل نہیں ہوگا،آرڈیننس فوری طور پر نافذ العمل ہوگیا ہے۔

مزید : صفحہ اول


loading...