پنجاب یونیورسٹی انتظامیہ تدریسی و تحقیقی معیار بلند کر رہی ہے

پنجاب یونیورسٹی انتظامیہ تدریسی و تحقیقی معیار بلند کر رہی ہے

لاہور (ایجوکیشن رپورٹر)پنجاب یونیورسٹی کے ترجمان نے کہاہے کہ یونیورسٹی انتظامیہ اپنی بھرپور توانائی تحقیقی و تدریسی معیار کو بلند کرنے پر استعمال کر رہی ہے ۔ اگر انتظامیہ نے پرانے مسائل کھول لئے تو ہماری توجہ ہٹ جائے گی اور امن و امان کی صورتحال پیدا ہو جائے گی ۔اس وقت ہماری اولین ترجیح یہ ہے کہ ہماری سمت تحقیق کی جانب ہو اور انتظامیہ نہیں چاہتی کہ ایسا ماحول پیدا ہو جس سے محاذ آرائی کی فضا پیدا ہو اور انتظامیہ یونیورسٹی کا ماحول پر امن رکھنا چاہتی ہے تا کہ اساتذہ اور طلباء تعلیم و تحقیق پر بھرپور توجہ دے سکیں۔ انہوں نے کہا کہ انتظامیہ اور طلباء تنظیم کے درمیان کسی قسم کی ڈیل کا تاثر درست نہیں۔

انہوں نے کہا کہ یہ قصے پرانے عہد میں ہوئے ہیں اور اسی وقت انہیں حل ہو جانا چاہئے تھااور اس وقت یہ مناسب نہیں ہے کہ ان معاملات کو کھولا جائے اور کارروائی کی جائے۔ انتظامیہ نے تحقیق کو فوکس کرنا ہے اور معیار کو بلند کرنے کا جو نعرہ لگایا گیا ہے اس پر کام کرنا ہے ۔ انہوں نے کہا کہ پنجاب یونیورسٹی کے وائس چانسلر ڈاکٹر ظفر معین یونیورسٹی کی ترقی کا ایجنڈا لے کر آئے ہیں اور وہ اپنی تمام توانیاں تحقیقی معیار کو بلند کرنے کے لئے اور یونیورسٹی کو دنیا کی بہترین یونیورسٹی میں شامل کرنے کے لئے استعمال کر رہے ہیں۔

مزید : میٹروپولیٹن 4


loading...