مانچسٹر سے آنیوالے شاہین ایئر لائن کے طیارے کے انجن میں آگ لگ گئی، لاہور ایئر پورٹ پر ہنگامی لینڈنگ

مانچسٹر سے آنیوالے شاہین ایئر لائن کے طیارے کے انجن میں آگ لگ گئی، لاہور ایئر ...
مانچسٹر سے آنیوالے شاہین ایئر لائن کے طیارے کے انجن میں آگ لگ گئی، لاہور ایئر پورٹ پر ہنگامی لینڈنگ

  


لاہور(ڈیلی پاکستان آن لائن)مانچسٹرسے آنیوالے شاہین ایئرلائن کے طیارے نے انجن میں آگ لگنے کے باعث لاہور ایئر پورٹ پر ہنگامی لینڈنگ کی ہے۔

عمران خان سیاسی یتیم ہو گئے ، عدالت میں ثبوت نہیں پیش کرسکے:طلال چوہدری

تفصیلات کے مطابق شاہین ایئرلائن کا طیارہ مانچسٹر میں مسافروں کو چھوڑ کر واپس آرہا تھا کہ لینڈنگ کے دوران اس کے ایک انجن میں آگ بھڑک اٹھی، طیارے میں اس وقت پائلٹ سمیت عملے کے 10 ارکان سوار تھے۔ پائلٹ نے حاضر دماغی کا ثبوت دیتے ہوئے طیارے کا ایک انجن بند کر دیا اوردوسرے  انجن کےساتھ ہنگامی لینڈنگ کی ۔آگ کی اطلاع ملتے ہی امدادی ٹیمیں رن وے پر پہنچ گئیں اور آگ پر قابو پالیا ۔ جبکہ عملے کے تمام ارکان محفوظ رہے ہیں۔

ایئرپورٹ حکام کا کہنا ہے کہ انجینئرز کی ٹیم طیارے کا معائنہ کر رہی ہے، طیارے نے مزید مسافروں کو لیکر گوانگزو روانہ ہونا تھا،انجینئرز کی جانب سے اگر طیارے کو قابل پرواز قرار نہ دیا گیا تو گوانگزو کی فلائٹ منسوخ کردی جائے گی۔

مزید : لاہور


loading...