سلمان کی ہیٹ ٹرک،ہاکس بری نے رینڈوک کو93رنز سے ہرادیا
سڈنی (نیٹ نیوز) پاکستان سپر لیگ کی فرنچائز لاہور قلندرز کی دریافت فاسٹ باؤلر سلمان ارشار نے آسٹریلوی کلب کی نمائندگی کرتے ہوئے اپنی باؤلنگ سے سب کو حیران کردیا۔آسٹریلیا کی سیکنڈ گریڈ کرکٹ میں مقامی ہاکس بری کرکٹ کلب کی نمائندگی کرتے ہوئے سلمان ارشار نے اپنی فتح گر کارکردگی دکھاتے ہوئے چار کھلاڑیوں کو پویلین کی راہ دکھائی جس میں ان کی ہیٹ ٹرک بھی شامل تھی۔سلمان نے 9 اوورز میں 50 رنز دے کر چار کھلاڑیوں کو ٹھکانے لگایا جس کی بدولت ان کی ٹیم ہاکس بری نے رینڈوک پیٹرشام کو 93 رنز سے شکست دے دی۔سلمان اب تک ہاکس بری کی جانب سے 5 سیکنڈ ڈویژن میچز کھیل چکے ہیں اور محض 12.95 کی اوسط سے 22 کھلاڑیوں کو آوٹ کرکے اپنے صلاحیتوں کا لوہا منواچکے ہیں۔
