پیشاب کے رنگ سے جانئے اپنی صحت کا حال

پیشاب کے رنگ سے جانئے اپنی صحت کا حال
پیشاب کے رنگ سے جانئے اپنی صحت کا حال

  

برمنگھم (نیوز ڈیسک) آج کل متعدد بیماریوں کی تشخیص کے لئے پیشاب کا ٹیسٹ تجویز کیا جاتا ہے لیکن ماہرین صحت کا کہنا ہے کہ یہ ٹیسٹ سادہ شکل میں صدیوں سے زیر استعمال رہا ہے اور آج بھی آپ پیشاب کی ظاہری رنگت اور بو کی مدد سے یہ جان سکتے ہیں کہ آپ کسی بڑی بیماری کا شکار تو نہیں ہیں۔ کلیو لینڈ کلینک کے ماہرین کا کہنا ہے کہ پیشاب کی رنگت کئی طرح کی ہوسکتی ہے اور ہر رنگت ہمیں صحت کے متعلق کچھ ضروری معلومات فراہم کرتی ہے۔

اگر پیشاب کی رنگت پانی کی طرح بالکل صاف ہے تو اس کا مطلب ہے کہ آپ ضرورت سے زیادہ پانی یا دیگر مائعات استعمال کررہے ہیں۔ اس کی ایک اور وجہ کیفین والے مشروبات مثلاً چائے یا سافٹ ڈرنکس کا استعمال بھی ہوسکتا ہے کیونکہ کیفین جسم سے پانی کے اخراج کا سبب بنتی ہے۔

روزنامہ پاکستان کی اینڈرائڈ موبائل ایپ ڈاؤن لوڈ کرنے کیلئے یہاں کلک کریں

مزید پڑھیں:کیا زیادہ سے زیادہ پانی پینا صحت کے لیے اچھاہے ؟ماہر صحت کا حیران کن جواب جانئے

اگر پیشاب کی رنگت گہری زردی مائل یا گہری پیلی ہے تو اسکا مطلب یہ ہے کہ آپ پانی کی مطلوبہ مقدار سے محروم ہیں۔ آپ کو پانی کا استعمال بڑھانا ہوگا۔ اگر رنگت نہایت ہلکی زردی مائل ہے تو یہ جسم میں پانی کی مقدار مناسب ہونے کی علامت ہے۔پیشاب کی رنگت چمکدار سنہری ہونے کا بھی یہ مطلب ہے کہ آپ پانی کی مطلوبہ مقدار استعمال نہیں کررہے۔

رنگت براﺅن ہونے کا مطلب جگر یا گردوں کی بیماری بھی ہوسکتا ہے جبکہ کچھ ادویات کی وجہ سے بھی پیشاب کی رنگت براﺅن ہوسکتی ہے، خصوصاً قبض کشا ادویات کی وجہ سے عموماً رنگت براﺅن ہوجاتی ہے۔

روزنامہ پاکستان کی خبریں اپنے ای میل آئی ڈی پر حاصل کرنے اور سبسکرپشن کیلئے یہاں کلک کریں

اگر رنگت گلابی یا سرخی مائل کو تو آپ کو فوری طور پر ڈاکٹر سے رابطہ کرنا چاہیے کیونکہ ایسا پیشاب میں خون آنے کی وجہ سے ہوسکتا ہے اور یہ گردوں کی بیماری، پراسٹیٹ کی بیماری، پیشاب کی نالی کے انفیکشن، مثانے کی پتھری اور حتیٰ کہ کینسر کی طرف اشارہ بھی ہوسکتا ہے۔ کثرت سے چقندر، بلیک بیری یا کینو کھانے کی وجہ سے بھی پیشاب کی رنگت گلابی یا سرخی مائل ہوسکتی ہے جبکہ کیمو تھیراپی یا کچھ ادویات کے استعمال سے بھی یہ رنگت ظاہر ہوسکتی ہے۔

اگر رنگت نیلگوں یا سبزی مائل ہے تو یہ عموماً پریشانی کی بات نہیں ہے۔ ایسا عموماً کھانوں میں استعمال ہونے والے چمکدار رنگوں کی وجہ سے ہوسکتا ہے جبکہ سبز رنگت بعض اوقات پیشاب کی نالی کی انفیکشن کی علامت بھی ہوسکتی ہے۔

پیشاب میں سے سخت بو آنے کا بھی یہ مطلب ہوسکتا ہے کہ آپ پیشاب کی نالی کے انفیکشن کا شکار ہیں جبکہ ضرورت سے زیادہ پروٹین والی غذاﺅں کے استعمال کے نتیجے میں بھی پیشاب سے بو آسکتی ہے۔

پیشاب کے اکثر مسائل کا حل مائعات کے زیادہ استعمال میں ہے لیکن اگر اس طرح سے افاقہ نہیں ہوتا تو آپ کو ڈاکٹر سے رابطہ کرنے میں ہرگز تاخیر نہیں کرنا چاہیے۔

مزید : تعلیم و صحت