سندھ حکومت کا ڈاؤیونیورسٹی کے عملے کی پوری تنخواہ ادا کرنے کا اعلان

  سندھ حکومت کا ڈاؤیونیورسٹی کے عملے کی پوری تنخواہ ادا کرنے کا اعلان

  

کراچی (مانیٹرنگ ڈیسک)ترجمان سندھ حکومت مرتضیٰ وہاب نے کہا ہے کہ ڈاؤ یونیورسٹی آف ہیلتھ سائنسز کے عملے کی مکمل تنخواہ سندھ حکومت کی جانب سے ادا کردی جائے گی اور اس سلسلے میں ضروری ہدایات جاری کردی گئی ہیں۔ٹوئٹر پر اپنے بیان میں ڈاؤ یونیورسٹی آف ہیلتھ سائنسز کے عملے کی تنخواہوں میں کٹوتی کے حوالے سے مرتضیٰ وہاب کا کہنا تھا کہ یہ مسئلہ ایک تکنیکی وجہ سے ہوا تھا جسے اب حل کرلیا گیا ہے۔خیال رہے کہ آج یہ خبر سامنے آئی تھی کہ کراچی کی ڈاؤ یونیورسٹی آف ہیلتھ سائنسز کی جانب سے تمام عملے بشمول ڈاکٹروں کو جون کی تنخواہیں آدھی دی گئی ہیں۔ڈاؤیونیورسٹی کے زیادہ تر پروفیسرز اور ڈاکٹرز اسپتال میں کام کرتے ہیں اور کورونا کے خلاف جنگ میں فرنٹ لائن پر ہیں لیکن اس کے باوجود عملے کی تنخواہوں میں کٹوتی کی گئی تھی جس کے باعث ان میں بے چینی پائی جاتی تھی۔رپورٹ کے مطابق ڈاؤ یونیورسٹی کے عملے کو جون کی تنخواہ 7 دن کی تاخیر سے بھی ادا کی گئیں۔

سندھ حکومت

مزید :

صفحہ آخر -