علی زیدی نے غیرذمہ دارانہ حرکت کی، لگتاہے یہ ملزمان کی حمایت کے چکرمیں ہیں،وزیراعلیٰ سندھ

علی زیدی نے غیرذمہ دارانہ حرکت کی، لگتاہے یہ ملزمان کی حمایت کے چکرمیں ...
علی زیدی نے غیرذمہ دارانہ حرکت کی، لگتاہے یہ ملزمان کی حمایت کے چکرمیں ہیں،وزیراعلیٰ سندھ

  

راولپنڈی(ڈیلی پاکستان آن لائن)وزیراعلیٰ سندھ مرادعلی شاہ نے کہاہے کہ علی زیدی نے غیرذمہ دارانہ حرکت کی،لگتاہے یہ ملزمان کی حمایت کے چکرمیں ہیں،اب یہ بتاتے ہیں کہ 3جے آئی ٹیزہیں،جے آئی ٹی ایک ہوتی ہے،علی زیدی کی جے آئی ٹی میں سی آئی ڈی لکھا ہے،اصل جے آئی ٹی رپورٹ میں سی آئی ڈی نہیں سی ٹی ڈی لکھاہے۔

نیب آفس میں پیشی کے بعد میڈیا سے گفتگو کرتے ہوئے وزیراعلیٰ سندھ مراد علی شاہ نے کہاکہ موٹرسائیکل پرکوئی آیااوران کے چوکیدارکو رپورٹ دے کرچلاگیا،علی زیدی کوکوئی گیٹ پرچیزیں دے جاتاہے جووہ لے آتے ہیں، لگتاہے یہ ملزمان کی حمایت کے چکرمیں ہیں۔

مراد علی شاہ نے کہاکہ عزیربلوچ کورینجرزنے گرفتارکیاتھا،رینجرزنے 90 روزعزیربلوچ کوریمانڈپررکھا،جے آئی ٹی کے سربراہ نے رپورٹ محکمہ داخلہ کوجمع کرائی،7 دستخط کیساتھ اصل جے آئی ٹی رپورٹ آج بھی محکمہ داخلہ کے پاس ہے،جے آئی ٹی میں تمام اداروں کے نام تھے، 4 دستخط والی رپورٹ کی فوٹوکاپی دکھائی گئی۔

وزیراعلیٰ سندھ نے کہاکہ علی زیدی نے غیرذمہ دارانہ حرکت کی،لگتاہے یہ ملزمان کی حمایت کے چکرمیں ہیں،انہوں نے کہاکہ غیردستخط شدہ جے آئی ٹی رپورٹ پڑھی گئی،علی زیدی کی جے آئی ٹی سامنے لانے پرہم پرسیاسی دباؤآیا،اب یہ بتاتے ہیں کہ 3جے آئی ٹیزہیں،جے آئی ٹی ایک ہوتی ہے،علی زیدی کی جے آئی ٹی میں سی آئی ڈی لکھاہے،اصل جے آئی ٹی رپورٹ میں سی آئی ڈی نہیں سی ٹی ڈی لکھاہے۔مرادعلی شاہ نے کہاکہ علی زیدی جوبات کرتے ہیں اس پربھروسہ مشکل ہے،وفاقی حکومت سے کچھ بھی توقع کی جاسکتی ہے۔

مزید :

قومی -علاقائی -پنجاب -راولپنڈی -