غریبوں کی سرپرستی پر شہبازشریف اور نواز شریف کو شاباش ملنی چاہیے:  مریم اور نگزیب

    اسلام آباد(مانیٹرنگ ڈیسک) مسلم لیگ (ن) کی سینئر رہنما اور وفاقی وزیر اطلاعات و نشریات مریم اورنگزیب نے کہا ہے کہ ایک شاباش نواز شریف اور شہباز شریف کو بھی ملنی چاہیے جن کے ویژن نے سیکٹروں غریبوں کو کامیابی کی منزل تک پہنچنے اور اپنے خواب سچ کر دکھانے میں عملی مدد کی۔سماجی رابطے کی ویب سائٹ ٹوئٹر پر اپنے پیغام میں وزیر اطلاعات مریم اورنگزیب نے کہا کہ یہ قابل رشک اور قابل فخر محمد   محسن علی کی کامیابی کی کہانی ہی نہیں بلکہ تعلیم کے ذریعے نوجوانوں کی زندگی اور معاشرے میں تبدیلی لانے کے ولولہ انگیز ویژن اور سوچ کی کامیابی کی ایک بہترین مثال بھی ہے۔انہوں نے کہا کہ 5 گولڈ میڈل جیتنے والے حافظ آباد کے گاؤں میاں رحیما کے اس قابل اور محنتی محسن علی نے پاکستان کے نوجوانوں کو کامیابی کا راز سمجھایا ہے، وزیر اطلاعات نے کہا کہ شہباز شریف نے تعلیمی وظائف، بیرون ملک اعلیٰ تعلیم حاصل کرنے کے مواقع دے کر ان کی حوصلہ افزائی اور سرپرستی کی،مریم اورنگزیب کا مزید کہنا تھا کہ محسن علی لاہور کے اسی کالج میں لیکچرار ہے جس کے قریب واقع تندور میں وہ روٹیاں لگا کر اپنے خاندان کیلئے رزق حلال کما رہا تھا۔
 مریم اورنگزیب