ایمرجنسی سروسزنے 24گھنٹوں میں 1039حادثات پر ریسپانڈ کیا
لاہور (کر ائم رپو رٹر)ایمرجنسی سروسز ڈیپارٹمنٹ نے 24گھنٹوں کے دوران پنجاب بھر میں 1039ٹریفک حادثات پر ریسپانڈ کیا جن میں 573افراد شدید زخمی ہوگئے جنہیں ضلعی و تحصیل کے ہسپتالوں میں منتقل کیا گیا 507معمولی زخمی لوگوں کو ریسکیومیڈیکل ٹیموں کے جائے حادثہ پر بروقت طبی امداد فراہم کرنے کی وجہ سے ہسپتالوں پر بوجھ بھی کم ہوا۔ان حادثات میں زیادہ تر تعداد (72فیصد)موٹر سائیکلز حادثات کی ہے اس لیے وقت کی ضرورت ہے کہ روڈ ٹریفک حادثات کی بڑھتی ہوئی شرح کو کم کرنے کے لیے ٹریفک قوانین پر سختی سے عمل کرتے ہوئے لائن اور لین کے نظم و ضبط کا خیال رکھیں ایمرجنسی ا عداد و شمار کے مطابق ریسکیو 1122کے صوبائی مانیٹرنگ سیل کو موصول ہونے والی ایمرجنسی کالز کے مطابق ان ٹریفک حادثات میں 526 ڈرائیوز، 37کم عمر ڈرائیور، 453 مسافر اور 109 پیدل چلنے والے افراد متاثر ہوئے اعدادو شمار سے ظاہر ہوتا ہے کہ 207ٹریفک حادثات کی فون کالز لاہور کنٹر ول روم میں موصول ہوئیں جس میں صوبائی دارالحکومت 198متاثرین کےساتھ پہلے ملتان 83 حادثات میں 85متاثرین کےساتھ دوسرے فیصل آباد 82 حادثات میں 91متاثرین کےساتھ تیسرے نمبرپررہا۔
واضح رہے کہ ان ٹریفک حادثات کے کل1080متاثرین میں 874مرد اور214خواتین شامل ہیں جبکہ زخمی ہونیوالوں میں 177افراد کی اوسط عمر18سال سے کم اور578افراد کی اوسط عمر 18سے 40سال کے درمیان جبکہ333زخمی افراد کی اوسط عمر 40سال سے زائد ہے۔ان ٹریفک حادثات کے بیشتر واقعات میں 899موٹرسائیکلز،53آٹو رکشے،111کاریں،27وین،07مسافربسیں،29ٹرک اور100دوسری اقسام کی گاڑیاں شامل ہیں۔
