عمر گل نے سرفراز احمد کو بابر اعظم سے بہتر کپتان قرار دیدیا
لاہور( سپورٹس رپورٹر)قومی کرکٹ ٹیم کے سابق فاسٹ بولر عمر گل نے سرفراز احمد کو بابراعظم کے مقابلے بہتر کپتان قرار دیدیا۔ انٹرویو میں سابق فاسٹ بولر عمر گل سے محمد عامر اور شاہین شاہ آفریدی میں سے کسی ایک کا انتخاب کرنے کو کہا گیا تو انہوں نے عامر کو منتخب کیا۔
کپتان بابراعظم اور سرفراز احمد کی کپتانی کے موازنے کے سوال پر عمر گل نے کہا کہ سرفراز کی کپتانی میں پاکستان نے 2017 میں آئی سی سی چیمپئنز ٹرافی جبکہ لگاتار 11 ٹی20 سیریز میں فتوحات سمیٹی ہیں، میں سرفراز کو بابراعظم کے مقابلے زیادہ بہتر کپتان تصور کرتا ہوں کیونکہ ان کی کپتانی میں پاکستان نے بہت اہم سیریز اپنے نام کیں ہیں۔اس سے قبل کرکٹ پاکستان کو دیئے گئے انٹرویو میں عمر گل نے محمد عامر کی جانب سے انٹرنیشنل کرکٹر سے ریٹائرمنٹ کے فیصلے پر حیرانی کا اظہار کرتے ہوئے کہا تھا کہ ڈراپ ہونے کی وجہ سے پلئیرز کو چیلنجز کا سامنا کرنا پڑتا ہے، تاہم یہ یاد رکھنا ضروری ہے کہ آپ ہمیشہ کسی مخصوص فرد کی نشاندہی نہیں کرسکتے، بہتر ہے آپ ذمہ داری قبول کریں اور کم بیک کریں۔
