اوگرانے ایل پی جی کی قیمتوں میں اضافے کا نوٹس لے لیا

 
 اسلام آباد (آن لائن )آئل اینڈ گیس ریگولیٹری اتھارٹی (اوگرا) نے ایل پی جی کی قیمتوں میں اضافے کا نوٹس لیتے ہوئے تمام مارکیٹنگ کمپنیوں کو ہدایت جاری کر دی۔ترجمان اوگرا عمران غزنوی کے مطابق ملک میں ایل پی جی کی قیمتوں میں غیر قانونی اور غیر معمولی اضافے کا اوگرا نے نوٹس لے لیا اور اس حوالے سے تمام ایل پی جی مارکیٹنگ کمپنیوں کو ہدایت کی گئی کہ اس کی نوٹیفائیڈ قیمتوں پر فروخت یقینی بنانے کیلیے ضروری اقدامات کیے جائیں۔ ترجمان نے بتایا کہ تمام مارکیٹنگ کمپنیوں کو ہدایت کی گئی کہ ڈسٹربیوٹرز کو سلنڈرز کی فراہمی اور ایل پی جی کی قیمتوں کی تفصیلات واضح طور پر ترسیل کے وقت درج کی جائیں اور تمام آوٹ لیٹس پر بھی قیمتوں کا اندراج یقینی بنایا جائے۔ عمران غزنوی نے کہا کہ ایل پی جی کی قیمتوں کو کنٹرول کرنے کیلیے صوبائی حکومتوں اور ضلعی انتظامیہ سے بھی رابطہ کیا جا رہا ہے جبکہ اوگرا کی فیلڈ ٹیموں نے ملک کے مختلف حصوں میں معائنہ کا عمل شروع کر دیا ہے۔ترجمان کے مطابق اوگرا ایل پی جی کے مقرر کردہ نرخوں پر فراہمی یقینی بنانے کیلیے پ±رعزم ہے۔ 
اوگرا