شانگلہ ، جاں بحق بچوں کے ورثا کیلئے مالی امداد کا اعلان

 اسلام آباد( مانیٹرنگ ڈیسک ) وزیراعظم شہباز شریف نے مارتنگ ضلع شانگلہ میں تودے تلے دب کر جاں بحق ہونےوالے 8 بچوں کے اہل خانہ کےلئے مالی امداد کا اعلان کر دیا ۔ وز یراعظم شہباز شریف نے ہر جاں بحق بچے کے اہل خانہ کےلئے 10 لاکھ روپے کی مالی امداد کا اعلان کیا، تودہ گرنے سے زخمی ہونےوالے شخص کو بھی وزیراعظم کی طرف سے مالی امداد دی جائےگی۔وزیراعظم نے مالی امداد کا اعلان اپنے مشیر اور خیبرپختونخوا میں (ن) لیگ کے صدر انجینئر امیر مقام کی درخواست پر کیا، انجینئر امیر مقام نے وزیراعظم کو خط لکھ کر مارتنگ حادثے میں جاں بحق اور زخمی ہونےوالوں کےلئے امداد کی اپیل کی تھی۔شہباز شریف نے انجینئر امیرمقام کو متاثرہ خاندانوں سے ملاقات کرکے تعزیت کرنے کی بھی ہدایت کی ۔ وزیر اعظم شہباز شریف نے متاثرہ خاندانوں کے نام پیغام میں کہا وہ جاں بحق ہونےوالے بچوں کے لواحقین کے غم میں برابر کے شریک ہیں۔
مالی امداد اعلان