پاکستان کرکٹ ٹیم آج رات سری لنکا روانہ ہوگی، کیا مصروفیات ہونگی ؟ جانیے

لاہور ( ڈیلی پاکستان آن لائن ) پاکستان کرکٹ ٹیم آج رات سری لنکا روانہ ہوگی۔سری لنکا میں پاکستان ٹیم 2 روزہ وارم اپ میچ ہمبنٹوٹا میں 11 سے 12 جولائی تک کھیلے گی۔ پاکستان اور سری لنکا کے درمیان پہلا ٹیسٹ میچ 16 جولائی کو گال میں شروع ہوگا جبکہ دوسرا ٹیسٹ 24 جولائی سے کولمبو میں کھیلا جائے گا۔

واضح رہے کہ 2 ٹیسٹ میچز کی سیریز کے لیے پاکستان کرکٹ ٹیم کا تربیتی کیمپ کراچی میں لگایا گیا تھا ،تربیتی کیمپ میں کھلاڑیوں نے بیٹنگ، بالنگ اور فیلڈنگ پریکٹس کی۔جنوبی افریقہ سے تعلق رکھنے والے فاسٹ بولنگ  کوچ مورنے مورکل ویزا تاخیر سے ملنے کی وجہ سے کراچی میں کیمپ کو جوائن نہیں کر سکے تھے۔ مورکل آج دبئی میں ٹیم کو جوائن کر کے سری لنکا میں باضابطہ ذمے داریاں سنبھالیں گے۔