روس یوکرین جنگ کے 500 روز ، کتنے ہزار شہری لقمۂ اجل بنے؟ یو این مشن نے دل دہلا دینے والےاعدادوشمار جاری کر دیئے
کیف ( مانیٹرنگ ڈیسک ) روس یوکرین جنگ کے 500 روز مکمل ہو گئے ، اس جنگ میں اب تک کتنے ہزار شہری لقمۂ اجل بن چکے ہیں ؟ اس حوالے سےیو این مشن نے دل دہلا دینے والےاعدادوشمار جاری کیے ہیں ۔ "جیو نیوز " کے مطابق اقوام متحدہ کا کہنا ہےکہ روس کے یوکرین پر حملے کے بعد سب سے اب تک ہونے والی لڑائی میں 9 ہزار سے زائد شہری موت کے منہ میں جا چکے ہیں جن میں 500 بچے بھی شامل ہیں۔
یوکرین میں کام کرنے والے اقوام متحدہ کے انسانی حقوق مشن نے یوکرین روس جنگ میں ہونے والے جانی نقصان کو انتہائی خطرناک قرار دیتے ہوئے اور افسوس کا اظہار کرتے ہوئے کہا کہا کہ ہم اس جنگ کے نتیجے میں 9 ہزار عام شہریوں کے ہلاکتوں کی تصدیق کرسکتے ہیں لیکن خدشہ ہےکہ جنگ کے دوران ہلاکتوں کی تعداد اس سے بھی زیادہ ہے۔یو این مشن کے نائب سربراہ ن کے مطابق رواں سال یوکرین میں ہلاکتوں کی تعداد 2022 کے مقابلے اوسطاً کم رہی ہے لیکن یہ تعداد مئی اور جون میں دوبارہ بڑھنا شروع ہوئی ہے ۔ 27 جون کو مشرقی یوکرین کے شہر کراماٹورسک میں میزائل حملوں کی زد میں آکر 13 شہری ہلاک ہوئے جن میں 4 بچے بھی شامل ہیں جب کہ جمعرات کی صبح مغربی شہر لفیف میں ہونے والے حملے میں بھی 10 افراد ہلاک اور 37 زخمی ہوئے۔میئر لفیف نے اس حملے کو جنگ کے بعد سے اب تک سویلین انفرا اسٹرکچر پر سب سے بڑا حملہ قرار دیا ہے۔یو این مشن کے نائب سربراہ کا کہنا تھا کہ جنگ کے دوران یوکرین کے انفرا اسٹرکچر کو بھی بری طرح نقصان پہنچایا گیا ، جن میں قدیم اور تاریخی عمارتیں بھی شامل ہیں۔
واضح رہے کہ روس نے 24 فروری 2022 کو یوکرین پر حملہ کیا تھا۔
